fbpx

وزیر تعلیم خیبر پختونخوا کا میٹرک اور انٹرمیڈیٹ کےامتحانات سے متعلق بڑا اعلان

خیبر پختونخوا کے تعلیمی اداروں میں میٹرک اور انٹرمیڈیٹ طلبا کی درس و تدریس بحال

باغی ٹی وی : تفصیلات کے مطابق وزیر تعلیم خیبر پختونخوا نے میٹک اور انٹر میڈیٹ کے امتحانات کی تاریخ کا اعلنا کر دیا ہے-

وزیر تعلیم خیبر پختونخوا اکبر ایوب خان نے کہا کہ دسویں اور بارہویں کے امتحانات 12 جولائی سے شروع ہوں گے-

واضح رہے کہ گزشتہ روز وفاقی وزیر تعلیم و فنی تربیت شفقت محمود نے اعلان کیا تھا کہ رواں سال امتحانات لازمی ہوں گے جبکہ نویں اور دسویں کے صرف اختیاری مضامین کے پیپر لیے جائیں گے۔

بین الصوبائی وزرائے تعلیم کے اجلاس کے بعد میڈیا سے گفتگو میں شفقت محمود کا کہنا تھاکہ وزرائے تعلیم کانفرنس میں جتنے فیصلے ہوئے تمام متفقہ ہوئے۔

انہوں نے کہا تھا کہ تعلیمی ادارے بند کرنا کسی حکومت کیلئے آسان نہیں، تعلیمی اداروں سے متعلق سب صوبوں کی مشاورت سے فیصلے کیے جبکہ وبا کی صورت میں تعلیمی اداروں کو کھولنے کا فیصلہ آسان نہیں ہوتا۔

وزیرتعلیم نے اعلان کیا تھا کہ 9 ویں اور دسویں جماعت کا امتحان اختیاری مضامین اور ریاضی میں ہوگا جبکہ گیارہویں اور بارہویں جماعت کا امتحان بھی صرف اختیاری مضامین میں ہوگا۔

وفاقی وزیرتعلیم کا کہنا تھا کہ امتحانات اب 24 جون کے بجائے 10 جولائی سے ہوں جبکہ پہلے انٹر اور پھر میٹرک کے پیپر ہوں گے۔ وزیرتعلیم کا کہنا تھاکہ بورڈ کو پرچوں میں وقفہ رکھنے کا بھی کہا ہے تاکہ بچوں کو تیاری کا مناسب وقت مل سکے۔

شفقت محمود نے نویں اور گیارہویں جماعتوں کیلئے بھی اسکول اور کالجز کھولنے کا اعلان کیا تھا-

امتحانات 10جولائی کےبعد ہوں گے:کن مضامین کےپیپرلیےجائیں گے:وزیرتعلیم شفقت محمود نے بتادیا

جواب چھوڑیں

آپ کا ای میل ایڈریس شائع نہیں کیا جائے گا.