کراچی: سی ٹی ڈی پولیس سے منگھوپیر مائی گاڑی مزار کے قریب مبینہ مقابلے کے دوران فائرنگ کے تبادلے میں 2 دہشتگرد مارے گئے جبکہ 2 کو گرفتار کرلیا گیا۔
باغی ٹی وی:محکمہ انسداد دہشت گردی (سی ٹی ڈی)کی جانب سے نادرن بائی پاس منگھوپیر کے قریب خفیہ اطلاع پر کارروائی کی گئی جس میں کراچی پولیس آفس حملے کا ماسٹر مائنڈ اریاد اللّہ ہلاک ہوگیا۔
ظل شاہ کے کیس میں عمران خان اور یاسمین راشد بھی گرفتار ہوں گے،وزیر اطلاعات …
سی ٹی ڈی حکام کا کہنا ہے کہ فائرنگ کے تبادلے میں کے پی او حملے کا مسٹر مائنڈ اریاد اللّہ سمیت 2 دہشت گرد ہلاک ہوئے جبکہ 2 کو گرفتار کرلیا گیا۔
سی ٹی ڈی کے مطابق ہلاک دہشتگردوں کی شناخت 26 سالہ ارید اللہ اور 23 سالہ عبد الوحید کے نام سے کی گئی جن کی لاشیں سول اسپتال منتقل کردی گئی ہیں دہشت گرد ارید اللہ کالعدم تحریک طالبان کراچی کا کمانڈر تھا سی ٹی ڈی نے دعویٰ کیا ہے کہ ارید اللہ کراچی پولیس آفس پر حملے کا ماسٹر مائنڈ تھا۔
یو اے ای نے الیکٹرک کمپنی ٹیسلا کی گاڑیوں کو بطور ٹیکسی متعارف کروادیا
سی ٹی ڈی کے مطابق مارے جانے والے دہشت گردوں سے خودکش جیکٹ بھی برآمد ہوئی جسے بم ڈسپوزل اسکواڈ نے ناکارہ بنا دیا جب کہ چھوٹے بڑے 5 ہتھیار اور ان کے زیر استعمال 2 موٹر سائیکل بھی قبضے میں لی گئی ہیں مقابلہ کے حوالے سے آج اہم پریس کانفرنس کی جائے گی۔
واضح رہے کہ گزشتہ ماہ کراچی کی شارع فیصل پر واقع کراچی پولیس آفس پر دہشت گروں کے حملے میں 2 پولیس اہلکاروں اور رینجرز اہلکار سمیت 4 افراد شہید ہوئے۔
بعد ازاں پولیس اور قانون نافذ کرنے والے اداروں کی جوابی کارروائی میں 3 دہشت گرد مارے گئے تھے۔
