ضلع کرم کے علاقے میں پاکستانی سیکیورٹی فورسز کی کامیاب کارروائی کے دوران اسکول اساتذہ پر فائرنگ میں مطلوب دو دہشتگرد حفیظ الرحمان اور واجد گل ہلاک ہوگئے۔
سیکیورٹی ذرائع کے مطابق ہلاک ہونے والے دہشتگرد – 50،50 لاکھ روپے مقرر کی گئی تھی۔ذرائع کا کہنا ہے کہ یہ دہشتگرد سال 2023 میں تری منگل میں پانچ اساتذہ کو شہید کرنے میں ملوث تھے۔ کارروائی کے دوران فائرنگ کے تبادلے میں ایک مقامی شخص پاوں پر گولی لگنے سے زخمی بھی ہوا۔سیکیورٹی اداروں کے مطابق واقعے میں ملوث پانچ ملزمان پولیس اور قانون نافذ کرنے والے اداروں کو پہلے سے مطلوب تھے، جن میں سے دو کو آج کی کارروائی میں ہلاک کر دیا گیا ہے۔ باقی تین اشتہاریوں کی تلاش جاری ہے۔
سیکیورٹی فورسز کا کہنا ہے کہ علاقے میں امن قائم رکھنے کے لیے مزید اقدامات کیے جا رہے ہیں اور دہشتگردوں کے مکمل خاتمے تک کارروائیاں جاری رہیں گی۔
