کرم(باغی ٹی وی) سیکیورٹی فورسز کے زیر اہتمام دو طبی کیمپوں میں 612 مریضوں کا معائنہ اور مفت ادویات کی فراہمی
کرم میں سیکیورٹی فورسز کے زیر اہتمام پیوار تنگی اور سپینہ شگہ کے دیہاتوں میں دو کامیاب طبی کیمپ منعقد کیے گئے، جن میں 612 مریضوں کا معائنہ کیا گیا اور مفت ادویات فراہم کی گئیں۔
طبی کیمپوں کے دوران بچوں میں گرم ملبوسات بھی تقسیم کیے گئے تاکہ وہ سرد موسم کی شدت سے محفوظ رہ سکیں۔ اس موقع پر ڈپٹی بریگیڈ کمانڈر اور مقامی ونگ کمانڈر نے کیمپوں کا دورہ کیا، فراہم کی جانے والی طبی سہولیات کا جائزہ لیا اور علاقے کے مشران و عوام سے ملاقات کر کے ان کے مسائل سنے۔
علاقے کے مشران نے طبی کیمپ کے شاندار انتظامات اور انسان دوست اقدام پر سیکیورٹی فورسز کا شکریہ ادا کیا اور اس جذبے کو سراہا۔
