کویت میں 2017 کے بعد پہلی مرتبہ ایک پاکستانی اور 2 خواتین سمیت سات افراد کو پھانسی
دوحہ: کویت میں 2017 کے بعد پہلی بار 7 افراد کو عدالت کے حکم پر پھانسی دے دی گئی۔
باغی ٹی وی : عالمی خبر رساں ادارے کے مطابق پبلک پراسیکیوشن سروس نے کہا کہ کویت نے بدھ کے روز سات افراد کو قتل کے جرم میں موت کی سزا سنائی-
دھوکے سے گردے نکالنے پر خاتون نے ڈاکٹر کے دونوں گردے مانگ لیے
پبلک پراسیکیوشن سروس کے مطابق ایک قتل کیس میں جرم ثابت ہونے پر عدالت نے 2 خواتین اور 5 مردوں کو سزائے موت سنائی تھی جس پر آج عمل درآمد کرتے ہوئے مجرمان کو ایک ساتھ پھانسی دیدی گئی۔
جن افراد کو پھانسی دی گئی ان میں ایتھوپیا اور کویت سے تعلق رکھنے والی خواتین کے علاوہ ایک پاکستانی، ایک شامی اور 3 کویتی مرد شامل ہیں۔ ان کے نام اور دیگر تفصیلات سے آگاہ نہیں کیا گیا۔
کویت کے معاون مشیرِ خارجہ برائے قانونی امور غنیم الغنیم نے بتایا کہ مجرمان قتل سمیت سنگین جرائم میں ملوث تھے۔ جنھیں کویت کے 1960 کے قانون 16 کے تحت ٹھوس شواہد اور اعتراف کے بعد سزائے موت سنائی گئی تھی۔
تاہم انھوں نے مجرمان پر عائد مقدمات، دفعات اور سماعت سے متعلق تفصیلات نہیں بتائیں اور نہ ہی واردات کی تاریخ، محرک اور مقتول کے بارے میں کچھ بتایا گیا لیکن ان کا کہنا تھا کہ ملزمان کو مکمل قانون حقوق فراہم کیے گئے تھے۔
عالمی اداروں کی کڑی تنقید، اعتراض اور مطالبے کے باوجود کویت میں سزائے موت کا قانون برقرار ہے اور اس پر عمل درآمد بھی کرایا جاتا ہے۔ اس سے قبل 25 جنوری 2017 میں بھی ایک شہزادے سمیت 7 افراد کو پھانسی دی گئی تھی اسی طرح 2013 میں بھی پانچ افراد کو دو ماہ کے وقفے میں قتل کے الزام میں پھانسی دی گئی تھی۔
کویت نے 1960 کی دہائی کے وسط میں سزائے موت کے نفاذ کے بعد درجنوں افراد کو پھانسی دی ہے۔ جن کی مذمت کی گئی ان میں زیادہ تر قاتل یا منشیات کے اسمگلر تھے۔
"بے وفائی نہیں کرنے کا” سفاک ملزم نے 21 سالہ محبوبہ کے ساتھ کیا گھناؤنا…
واضح رہے کہ 17 مئی 1964 کو پہلی پھانسی کے بعد سے کویت میں اب تک 84 افراد کو سزائے موت دی گئی جن میں 15 پاکستانی بھی شامل ہیں۔
یہ سعودی عرب کی جانب سے دو پاکستانی شہریوں کو ہیروئن کی اسمگلنگ کے جرم میں پھانسی کی سزا کے چند دن بعد سامنے آیا ہے-
ایک بیان میں، ایمنسٹی انٹرنیشنل نے پھانسیوں کو روکنے پر زور دیا، اور انہیں "انتہائی ظالمانہ، غیر انسانی اور ذلت آمیز سزا” قرار دیا۔
ایمنسٹی کی ڈپٹی ریجنل ڈائریکٹر آمنہ گیلالی نے ایک بیان میں کہا کہ کویتی "حکام کو فوری طور پر پھانسیوں پر ایک باضابطہ موقوف قائم کرنا چاہیے۔
سعودی عرب:جج 5 لاکھ ریال کی رشوت لیتے ہوئے رنگے ہاتھوں گرفتار
