پاکستان کو کویت نے تیل کریڈٹ سہولت میں دو سال کے لیے توسیع دیدی۔
باغی ٹی وی کے مابق اس حوالے سے وفاقی وزیر برائے توانائی علی پرویز ملک سے اسلام آباد میں کویت کے سفیر نے ملاقات کی جس دوران دونوں رہنماؤں نے توانائی کے شعبے میں دوطرفہ تعاون کو مزید مضبوط بنانے پر اتفاق کیا۔کویت کی جانب سے یہ سہولت پاکستان اسٹیٹ آئل کو فراہم کی گئی ہے جس سے پاکستان کو توانائی کے شعبے میں درپیش مالی دباؤ میں خاطر خواہ کمی آئے گی۔اس موقع پر وفاقی وزیر علی پرویز ملک نے کہا کہ وزیراعظم شہباز شریف کی قیادت میں پاکستان نے مشکل ترین معاشی اصلاحات میں کامیابی حاصل کی ہے جس میں برادر ممالک خصوصاً کویت کی معاونت کلیدی رہی ہے۔
ہم کویت کی جانب سے فراہم کی جانے والی خصوصی رعایت پر تہہ دل سے شکر گزار ہیں۔وزیراعظم شہباز شریف کو کویت کے عوام، امیر کویت اور ولی عہد سے بے پناہ محبت اور احترام ہے اور پاکستان ہمیشہ ان برادرانہ تعلقات کو قدر کی نگاہ سے دیکھتا ہے .ملاقات میں کویتی سفیر نے ملاقات میں کہا کہ وزیراعظم شہباز شریف کی قیادت میں پاکستان نے معاشی ترقی کی سمت میں قابل قدر پیش رفت کی ہے۔انہوں نے پاکستان کے ساتھ تعلقات کو مزید وسعت دینے کے عزم کا اظہار بھی کیا۔
موٹروے پر اجتماعی زیادتی ،مرکزی ملزم پولیس کے ہاتھوں ہلاک
