خاتون ڈاکٹر پر چھری سے حملہ

چندی گڑھ ،باغٍی ٹی وی (این این آئی) بھارتی ریاست پنجاب کے دارالحکومت چندیگڑھ میں ہندو انتہاپسندوں کی تنظیم گائو رکھشادل اورپولیس نے ملکر ایک مسلمان کے گھر پر چھاپہ مارا ہے۔ نئی دہلی میں خاتون ڈاکٹر پر چھری سے حملہ،ملزم موقع سے فرار ہوگیا

کشمیرمیڈیاسروس کے مطابق گائو رکھشادل اورپولیس نے یہ چھاپہ چندیگڑھ کے علاقے اندراکالونی میں مارا اورچھاپے کے دوران گائے کا گوشت سٹوراورفروخت کرنے پر مذکورہ گھر کا فریج ضبط کرلیا۔چھاپے کی ویڈیو سوشل میڈیا پر وائرل ہوئی ہے ۔

ویڈیو میں دیکھا جاسکتا ہے کہ نام نہاد گائو رکھشادل کے کارکن پولیس کی موجودگی میں مذکورہ گھر سے فریج لے کر جارہے ہیں۔ دریں اثنا بھارت کے شہر دہلی میں نامعلوم شخص نے خاتون ڈاکٹر پر چھریوں سے کئی مرتبہ وار کر کے زخمی کر دیا۔بھارتی میڈیا کے مطابق ملزم نے 40 سالہ ڈاکٹر پر کلینک کی عمارت میں سیڑھیوں پر حملہ کیا جس کے نتیجے میں وہ زخمی ہو گئیں اور ان کا علاج جاری ہے۔

بھارتی پولیس کے مطابق خاتون عمارت کے گرانڈ فلور پر کلینک چلاتی ہیں جبکہ پہلی منزل پر ان کی رہائش بھی ہے۔ بھارتی پولیس کے مطابق ملزم حملے کے بعد فرار ہوگیا جس کی تلاش جاری ہے۔واقعے کا مقدمہ اقدامِ قتل کے تحت درج کیا گیا ہے جبکہ ابتدائی طور پر واقعہ ڈکیتی کا نہیں لگتا۔