: امیر بالاج ٹیپو قتل کیس میں اہم پیشرفت سامنے آئی ہے۔ گوگی بٹ نے کیس میں شامل ہو کر تفتیش مکمل کی ہے اور سی سی پی او آفس میں پیش ہو گیا ہے۔ پولیس نے بالاج ٹیپو قتل کیس کی تحقیقات کے لیے ایک جامع جوائنٹ انویسٹی گیشن ٹیم (جے آئی ٹی) تشکیل دے رکھی ہے جو مختلف زاویوں سے کیس کی چھان بین کر رہی ہے۔
گوگی بٹ نے اپنے بیان میں بتایا ہے کہ مخالفین کی جانب سے ان کی جان کو خطرہ تھا، اس لیے وہ مفرور رہے۔ انہوں نے انکشاف کیا کہ مخالف فریق نے ان کے قریبی رشتہ دار کو قتل کر کے انہیں دھمکایا ہے، جس کی وجہ سے وہ اپنے تحفظ کے لیے فرار اختیار کیے ہوئے تھے۔پولیس نے ابھی تک تفتیش مکمل نہ ہونے کی وجہ سے چالان عدالت میں جمع نہیں کروایا ہے۔ دوسری جانب، گوگی بٹ کو عدالت نے یکم ستمبر تک ضمانت دی ہوئی ہے، تاہم عدالت نے انہیں مفرور رہنے کی وجہ سے پہلے اشتہاری بھی قرار دیا تھا۔
بالاج ٹیپو قتل کیس کی تحقیقات جاری ہیں اور پولیس نے اس معاملے کی حساس نوعیت کو مدنظر رکھتے ہوئے تمام پہلوؤں پر غور کر رہی ہے۔ جے آئی ٹی کا مقصد ہے کہ تمام حقائق سامنے لائے جائیں اور ملزمان کو قانون کے کٹہرے میں لایا جائے۔
