ہوٹل میں سلنڈر دھماکہ،سات افراد زخمی

پنجاب کے صوبائی دارالحکومت لاہور میں سلنڈر دھماکے میں سات افراد زخمی ہو گئے ہیں

سلنڈر دھماکہ لاہور کے علاقے موچی گیٹ میں ایک ہوٹل میں پیش آیا ،سلنڈر دھماکے میں بچوں سمیت سات افراد زخمی ہوئے ہیں، اطلاع پر ریسکیو ٹیم موقع پر پہنچ گئی، زخمیوں کو میئو ہسپتال منتقل کر دیا گیا ہے.فائر بریگیڈ نے موقع پر پہنچ کر آگ بجھائی،پولیس حکام کے مطابق موچی گیٹ کے ہوٹل میں ہونے والے سلنڈر دھماکے میں زخمی ہونے والوں میں 36 سالہ زوہیب، 18 سالہ مزمل، دانش، 30 سالہ شاہد، 33 سالہ بلال، 17 سالہ کاشف، 21 سالہ فیص، 6 سالہ محمد فیض اور 21 سالہ اسامہ شامل ہیں، پولیس نے واقعہ کی رپورٹ درج کرکے تفتیش شروع کردی ہے