لاہور میں جائیداد کے تنازع پر دو افراد قتل،ملزم گرفتار

مصری شاہ میں جائیداد کے تنازع پر 2 افرادکی جان لے لی گئی ہے

پراپرٹی کے تنازع پر ہونے والے اقبال گجر قتل کیس میں لاہور پولیس نے انتہائی تیزی سے کارروائی کرتے ہوئے صرف 12 گھنٹوں میں ملزم فیاض کو گرفتار کر لیا۔ڈی آئی جی آپریشنز فیصل کامران نے واقعہ کا فوری نوٹس لیتے ہوئے ایس پی صدر رانا حسین طاہر کی سربراہی میں ایک خصوصی ٹیم تشکیل دی۔

ایس ایچ او تھانہ چوھنگ اور ان کی ٹیم نے ملزم فیاض کو چند گھنٹوں میں گرفتار کر لیا۔پولیس نے آلۂ قتل بھی برآمد کر لیا۔تھانہ چوھنگ میں مقدمہ درج کر کے مزید تفتیش شروع کر دی گئی ہے۔ذرائع کے مطابق مقتول اقبال گجر امن کمیٹی کے سابق چیئرمین تھے، جنہیں ملزم نے زمین کے تنازع پر فائرنگ کر کے قتل کیا۔ ڈی آئی جی آپریشنز فیصل کامران نے واضح کیا "قتل جیسے سنگین جرم میں ملوث افراد کی جگہ صرف جیل ہے، کسی کو قانون ہاتھ میں لینے کی اجازت نہیں دی جائے گی۔”