لاہور میں محکمہ سیاحت کے زیر اہتمام فوڈ فیسٹیول ،شہریوں کی بڑی تعداد میں شرکت
باغی ٹی وی کی رپورٹ کے مطابق پنجاب کے صوبائی دارالحکومت لاہور میں محکمہ سیاحت پنجاب کے زیر اہتمام فوڈ فیسٹیول کا انعقاد کیا گیا
انٹرنیشنل فوڈ فیسٹیول 2022 کا افتتاح سیکرٹری محکمہ سیاحت، حکومت پنجاب، آسیہ گل نے کیا۔ انہوں نے ایم ڈی ٹی ڈی سی پی آغا محمد علی، کے ہمراہ فوڈ فیسٹیول کا دورہ کیا اور میڈیا سے گفتگو کرتے ہوئے کہا کہ محکمہ سیاحت پنجاب نے پنجاب کی ثقافتی اور تاریخی سیاحت کو فروغ دینے کے لیے اس طرح کی تقریبات کا ایک سلسلہ شروع کیا ہے، ہم کوشش کر رہے ہیں کہ شہری بھرپور اور صحت مندانہ سیاحت سے لطف اندوزہوں، لاہور کے بعد اب مری میں بھی فوڈ فیسٹول کا انعقاد کیا جائے گا جس کی تاریخوں کا اعلان جلد کر دیں گے،
سیکرٹری سیاحت آسیہ گل کا کہنا تھا کہ لاہور میں منعقدہ دو روزہ فوڈ فیسٹول میں شہری بڑی تعداد میں شریک ہوئے، الحمرا کلچرل کمپلیکس قذافی سٹیڈیم میں شہری فیسٹول میں کھانوں سے لطف اندوز ہوئے، فوڈ فیسٹیول میں بچوں کے لیے بھی روایتی کھیل اور انٹرنیشنل فوڈ کے اسٹالز لگائے گئے تھے، فوڈ فیسٹول میں دو روز میں ہزاروں شہری شریک ہوئے،
سیکرٹری سیاحت آسیہ گل کا مزید کہنا تھا کہ سیاحت کو فروغ دینے کیلئے اس طرح کے مزید منصوبے لائیں گے پنجاب میں کلچرل، مذہبی اور تاریخی سیاحت کا بہت پوٹینشل موجود ہے چکوال میں متعدد جھیلیں ہیں، اس شہر کو لیک سٹی کے طورپر متعارف کرائیں گے۔ عوام کو سیروتفریح کی سہولت فراہم کرنے کیلئے پنجاب کے مختلف دریاؤں اور جھیلوں پر ریزارٹس قائم کئے جا رہے ہیں پنجاب کو سیاحت کا مرکز بنائیں گے
معروف اداکار فیروز خان نے پندرہویں چولستان جیپ ریلی میں شرکت کی
16ویں چولستان ڈیزرٹ جیپ ریلی، کون رہا فاتح
سیکرٹری ٹورزم پنجاب آسیہ گل نے کہا ہے کہ پنجاب میں سیاحت کے فروغ کے لئے عملی طور پر کام کر رہے ہیں
