لاہور شہر کے مسائل کیا؟ شفقت محمود کی زیر صدارت اجلاس میں بڑے فیصلے
وفاقی وزیر تعلیم شفقت محمود کی زیر صدارت ڈسٹرکٹ کوآرڈینیشن کمیٹی کا اہم اجلاس منعقد ہوا.
اجلاس میں سینئر پارلیمنٹیرینز،سینئر وزراء بیوروکریٹ،محتلف محکموں کے سکریٹریز اور ضلعی انتظامیہ لاہور کے افسران نے کثیر تعداد میں شرکت کی اجلاس میں سی سی پی او لاہور، ڈی سی لاہور مدثر ریاض ملک ،ڈی آئی جی آپریشنز لاہور،ڈی جی ایل ڈی اے،وائس چیرمین پی ایچ اے، منسٹر نارکوٹیکس اور واساء کے افسران بھی شریک ہوئے اجلاس میں لاہور شہر کے مسائل کو حل کرنے کے لیے لائحہ عمل تیار کرنے پر توجہ دی گئی. اجلاس میں واساء،ایل ڈی اے،پی ایچ ے اور ڈی سی آفس سے متعلق مسائل کے حل کے لیے لائحہ عمل تیار کیا گیا۔اجلاس میں محکموں سے متعلق درپیش مسائل پر غور کیا گیا.
وزیراعظم عمران خان کی ہدایت پر ڈسٹرکٹ کوآرڈینیشن کمیٹی کا قیام عمل میں لایا گیا. اجلاس میں محکموں سے متعلق مسائل کو حل کرنے کے لیے اجتماعی طور پر پارٹی ممبران سے تعلقات بڑھانے پر اتفاق کیا گیا. اجلاس میں پارٹی ٹکٹ ہولڈرز نے محتلف محکموں سے متعلق اپنی شکایات کا اظہار کیا.
ماہ محرم کے لیے ماتمی جلوس کی سیکیورٹی اور روٹس کی بہتری کے لیے ضلعی انتظامیہ لاہور اور پولیس کے افسران کو ہدایات جاری کی گئیں، ڈی سی لاہور کا کہنا تھا کہ محرم کے تمام تر انتظامات بہتر بنانے کے لیے اقدامات شروع کر دیئے گئے ہیں۔ضلعی انتظامیہ لاہور نے یوم علی کے حوالے سے سے بھی تمام تر انتظامات کو احسن انداز میں سر انجام دیا تھا
ایل ڈبلیو ایم سی سے متعلق مسائل کو بھی زیر بحث لایا گیا اور لاہور کے کوڑا کرکٹ کو فوری ٹھکانے لگانے کی ہدایات جاری کی گئیں. نہر اور دریا کے کناروں پر چیلوں کی تعداد میں اضافے اور اس سے در پیش مسائل کو بھی زیر بحث لایا گیا. قربانی کے انتظامات کے حوالے سے بھی متعلقہ محکموں کو ہدایات جاری کی گئیں. ایل ڈبلیو ایم سی،واساء، پی ایچ اے اور دیگر محکموں کو اپنی زمہ داریاں بخوبی سر انجام دینے کی ہدایات کی گئیں۔اجلاس میں ٹریفک سے متعلق درپیش مسائل کو بھی زیر بحث لایا گیا. اجلاس میں تجاوزات کے مسائل کو بھی زیر بحث لایا گیا. لاہور کے داخلی راستوں کی بہتری پر بھی غور کیا گیا اور متعلقہ محکموں کو ہدایات جاری کی گئیں. لوڈ شیڈنگ کے مسائل اور بجلی کی سپلائی کے حوالے سے بھی چیف انجینئر سے بریفیگ لی گئی۔
