لاہور کے علاقے گلبرگ میں ایک اسٹریٹ آرٹسٹ محمد کو ٹریفک پولیس نے گرفتار کر لیا، جس پر الزام تھا کہ وہ بھیک مانگ رہا تھا۔
محمد کا کہنا تھا کہ وہ بھیک نہیں مانگتا بلکہ اپنے جسم اور کپڑوں پر گولڈن رنگ کر کے مجسمے کی طرح کھڑا ہوتا ہے تاکہ لوگ اس کے کام کی تعریف کریں اور پیسے دیں۔، محمد جو کہ بند روڈ کا رہائشی اور دو بچوں کا باپ ہے، گلبرگ کے علاقے میں سڑک کے کنارے کھڑا ہو کر اپنی پرفارمنس دیتا تھا۔ اس کی پرفارمنس لوگوں کو محظوظ کرتی تھی اور کئی لوگ اپنی خوشی سے اسے پیسے دے دیتے تھے۔ محمد نے پولیس کے سامنے کہا کہ وہ بھیک نہیں مانگتا بلکہ یہ ایک آرٹ ہے جو دنیا بھر میں کیا جاتا ہے۔پولیس کے مطابق محمد کو ٹریفک کے بہاؤ میں رکاوٹ ڈالنے کی وجہ سے پکڑا گیا۔ ٹریفک وارڈن کا کہنا تھا کہ یہ اعلیٰ افسران کے احکامات کے تحت عمل کیا گیا۔ محمد نے پولیس کے دعوے کو رد کرتے ہوئے کہا کہ وہ کسی قسم کی ٹریفک کی رکاوٹ پیدا نہیں کرتا۔محمد کا کہنا تھا کہ یہ اس کا روزگار ہے اور وہ اس کو اپنے بچوں کی پرورش کے لیے کرتا ہے۔ وہ اس فن کو ایک پیشہ سمجھتا ہے اور اسے کسی بھی قسم کی بھیک نہیں سمجھتا۔
