پاکستان انٹرنیشنل ایئر لائنز (پی آئی اے) نےپیرس کیلئے اپنے فضائی آپریشنز محدود کرنے کا فیصلہ کرلیا ہے۔
ترجمان کے مطابق لاہور سے پیرس کیلئے پروازیں معطل کردی جائیں گی، تاہم اسلام آباد سے پیرس کیلئے پروازوں کا سلسلہ بدستور جاری رہے گا، لاہور سے پیرس کیلئے آخری پرواز 17 ستمبر کو روانہ ہوگی، جبکہ پیرس سے لاہور کی آخری پرواز 12 ستمبر کو آپریٹ کی جائے گی۔
واضح رہے کہ پی آئی اے نے رواں سال 18 جون سے لاہور سے پیرس کیلئے ہفتہ وار دو پروازوں کا آغاز کیا تھا۔ تاہم اس وقت قومی ایئر لائن کے بیڑے میں شامل بارہ بوئنگ 777 طیاروں میں سے سات گراؤنڈ ہیں جس کی وجہ سے آپریشنل مشکلات کا سامنا ہے۔
