سیکیورٹی فورسز نے لکی مروت میں کارروائی کرکے 8 خوارج کو ہلاک کردیا، 5 زخمی بھی ہوئے۔
سیکیورٹی ذرائع کے مطابق 24 اکتوبر کو لکی مروت کے علاقے وانڈہ شیخ اللہ میں خفیہ اطلاعات پر کارروائی کی گئی، فائرنگ کے تبادلے میں 8 خوارج ہلاک اور 5 زخمی ہوگئے۔سیکیورٹی ذرائع کا کہنا ہے کہ عسکری مہارت سے کی گئی کارروائی میں خوارج کو فرار کا موقع نہ مل سکا، علاقے میں ممکنہ دہشتگردوں کی موجودگی کے خدشات کے پیش نظر سرچ آپریشن جاری ہے۔فورسز کا کہنا ہے کہ آخری خارجی کے خاتمے اور امن وامان کی مکمل بحالی تک کارروائیاں جاری رہیں گی۔
