لکی مروت،دہشت گردوں کی فائرنگ،دو پولیس اہلکار شہید
لکی مروت کے علاقے خیروخیل پکہ کے قریب دہشت گردوں نے فائرنگ کی ہے،دو پولیس اہلکار حملے میں شہید ہو گئے ہیں
نواب زیارت جابوخیل کے قریب موٹر سائیکل پر فائرنگ کی گئی،خیروخیل سےڈیوٹی کے لئے آنے والے دو پولیس اہلکار شہید ہو گئے،دہشت گردوں کے حملے کے نیتجے میں شہید ہونے والے اہلکاروں میں خان بہادر اور حکمت اللہ شامل ہیں،واقعہ کے بعد علاقے میں سرچ آپریشن شروع کر دیا گیا ہے، پولیس نے سیکورٹی سخت کر دی ہے
وزیرداخلہ محسن نقوی نے لکی مروت پولیس اہلکاروں پر دہشتگردوں کی فائرنگ کے واقعہ کی مذمت کی ہے،وزیر داخلہ محسن نقوی نے فائرنگ سے جام شہادت نوش کرنے والے 2 پولیس اہلکاروں کو خراج عقیدت پیش کیا ہے،وزیر داخلہ محسن نقوی نے شہید پولیس اہلکاروں کے لواحقین سے دلی ہمدردی و اظہار تعزیت کیا،اور کہا کہ شہید پولیس اہلکاروں کی قربانی کو سلام پیش کرتے ہیں.دکھ کی گھڑی میں شہداء کے خاندانوں کے ساتھ کھڑے ہیں.دہشتگردی کے خلاف جنگ میں خیبرپختونخوا پولیس نے جانوں کی قربانی دے کر تاریخ رقم کی ہے.کے پی کے پولیس کی قربانیوں کو قدر کی نگاہ سے دیکھتے ہیں،
قتل کا بدلہ؟ تھانے میں گھس کر فائرنگ،پولیس سوتی رہی،3 افراد قتل
