لنڈی کوتل(باغی ٹی وی رپورٹ) لیڈز پبلک ہائی سکول میں 95 طلبہ و طالبات کی دستار بندی کی روح پرور تقریب
تفصیل کے مطابق لنڈی کوتل میں لیڈز پبلک ہائی سکول میں 95 طلباء و طالبات کی ناظرہ قرآن پاک کی تکمیل کے موقع پر ایک روح پرور دستار بندی کی تقریب منعقد ہوئی۔ تقریب میں مہمان خصوصی مفتی نجیب اللہ فاروقی اور مولانا شاہ محمد سمیت مقامی علماء کرام، عمائدین علاقہ، والدین اور بڑی تعداد میں افراد نے شرکت کی۔
مفتی نجیب اللہ فاروقی نے قرآن کریم کی فضیلت پر تفصیلی بیان فرمایا، جس نے شرکاء کو روحانی لطف عطا کیا۔ دیگر مقررین نے بھی قرآن پاک کی اہمیت اور تعلیمات پر روشنی ڈالی۔
تقریب کے اختتام پر لیڈز پبلک سکول کے پرنسپل عبداللہ شاہ شینواری نے تمام مہمانوں کا شکریہ ادا کیا اور طلبہ کو مبارکباد پیش کی۔
