لنڈی کوتل(باغی ٹی وی رپورٹ)پاکستانی جرگہ عمائدین کا دباؤ رنگ لایا، افغان تعمیراتی مشینری واپس
تفصیل کے مطابق طورخم بارڈر پر ایک بار پھر کشیدگی، افغان حکام نے جرگہ کے فیصلوں کی خلاف ورزی کرتے ہوئے پاکستانی حدود میں چیک پوسٹ کی تعمیر شروع کر دی۔ تاہم، پاکستانی جرگہ عمائدین کے سخت دباؤ کے بعد افغان فورسز تعمیراتی مشینری واپس لے جانے پر مجبور ہو گئیں۔
گزشتہ روز طورخم بارڈر پر پاکستانی اور افغان قبائلی عمائدین کے درمیان ایک تاریخی جرگہ ہوا تھا، جس میں سرحدی کشیدگی کو ختم کرنے پر اتفاق کیا گیا تھا۔ دونوں فریقین نے متنازعہ تعمیراتی کام روکنے اور امن قائم کرنے کا وعدہ کیا تھا اور ایک روز کا وقت مانگا تھا، جرگہ ممبران کے مطابق آج بروز پیر افغان جرگہ اور طالبان حکومت کے انتظار میں ہے کہ وہ ہمارے شرایط کے متعلق کیا رد عمل دیتے ہیں۔
پاک جرگہ مشران کی طرف سے بھی سوشل میڈیا پر افغان حکام کی طرف سے اس خلاف ورزی پر تنقید کی گیی جس کے بعد افغان فورسز مشینری واپس کرنے پر مجبور ہوگئی۔
واضح رہے کہ تورخم سے ملحقہ آبادی والے علاقہ باچا مینہ کے رہائشیوں میں خوف پھیل گیا جب متنازعہ چیک پوسٹ پر افغان فورسز نے کام شروع کیا لیکن جرگہ عمائدین کی مداخلت سے کشیدگی پھر ختم ہوگئی اور افغان فورسز نے مشینری واپس کردی۔
انسانی حقوق کی تنظیموں اور مقامی فلاحی تنظیموں کے رہنماؤں نے افغان طالبان سے مطالبہ کیا ہے کہ وہ وہ جرگہ کی پاسداری کریں،متنازعہ چیک پوسٹ پر کام بند کریں اور سیز فائر کریں تاکہ گزشتہ 17 دنوں سے بند تورخم بارڈر کو کھولا جاسکے۔
