لنڈی کوتل:پولیس کے مظالم کاشکار شخص دُہائی کیلئے پریس کلب پہنچ گیا

لنڈی کوتل(باغی ٹی وی رپورٹ)پولیس کے مظالم کاشکار شخص دُہائی کیلئے پریس کلب پہنچ گیا

تفصیل کے مطابق شیر شاہ سکنہ شیخ مل خیل عالم خانی نے لنڈیکوتل پریس کلب میں ہنگامی پریس کانفرنس کرتے ہوئے کہا کہ کل نجیب نامی شخص جن تعلق خوگا خیل سے ہے نے میرے بھائی مشرف پر پستول تان کر بری طرح مارا پیٹا ،

پولیس میرے مظلوم بھائی اور ان کی سووزکی کو تھانے لے گئی . شیر شاہ نے کہا کہ ظلم بھی میرے بھائی پر ہوا ہے اور حوالات میں بھی میرے بھائی کو بند کیا گیا .

انہوں نے کہا کہ آج جب ہم تھانے گئے تو تھانہ میں ہماری سوزوکی نہیں تھی بعد میں ہمیں پتہ چلا کہ وہ نجیب اپنے گاؤں لے گیا ہے. جب ہم نے مقدمہ درج کرنا چاہا تو ایس ایچ او نے ایف ائی ار کاٹنے سے صاف انکار کردیا.

شیر شاہ نے کہا کہ میرا بھائی خادی شاہ جن کے ساتھ جس کسی کا بھی کوئی معاملہ ہو اس کا ہم ذمہ دار نہیں ہیں کیونکہ ہمارے والد اور ہم نے قانونی طورپر ان سے علیٰحدگی کا اعلان کیا ہے . جس سے ہمارا کوئی تعلق نہیں .

شیر شاہ نے پولیس کے اعلیٰ حکام اور ڈی پی او سے اپیل کی کہ ہماری گاڑی کو واگزار کرایا جائے اور میرے بھائی کو رہا کیاجائے . شیرشاہ نے کہا کہ پولیس نے بھی میرے بھائی کو مارا پیٹا اور کپڑے پھاڑدیئے . انہوں نے انصاف فراہمی کا مطالبہ کیا