لنڈی کوتل: پولیس کی بڑی کارروائی، 3 کلو آئس برآمد، دو اسمگلرز گرفتار
لنڈی کوتل (باغی ٹی وی رپورٹ)لنڈی کوتل میں پولیس کی بڑی کارروائی، 3 کلو آئس برآمد، دو اسمگلرز گرفتار
تفصیل کے مطابق ضلع خیبر کی لنڈی کوتل پولیس نے آئس کی اسمگلنگ کی کوشش ناکام بناتے ہوئے پاک افغان شاہراہ پر ناکہ بندی کے دوران ایک مشکوک موٹر کار سے 3 کلوگرام آئس برآمد کر لی۔ پولیس نے کارروائی کے دوران نور خان ولد محمد اشرف (سکنہ افغانستان) اور سلمان خان ولد آفتاب عالم (سکنہ ولی بیگ خیل) کو گرفتار کر کے مزید تفتیش کے لیے حوالات منتقل کر دیا۔
ڈسٹرکٹ پولیس آفیسر رائے مظہر اقبال کی قیادت میں منشیات کے خلاف مہم کامیابی سے جاری ہے۔ ایس ایچ او لنڈی کوتل کی ہدایت پر ایڈیشنل ایس ایچ او عظمت ولی شینواری اور ان کی ٹیم نے زیڑے پوسٹ پر یہ کامیاب کارروائی کی۔ مشکوک گاڑی (نمبر D2402) کے خفیہ خانوں سے آئس برآمد کی گئی۔
پولیس نے کہا ہے کہ ملزمان کے خلاف سخت قانونی کارروائی کی جائے گی اور منشیات کے خاتمے کے لیے یہ مہم بھرپور انداز میں جاری رہے گی۔
