ترکی،شام میں زلزلہ:سابق صدرجنرل پرویزمشرف کی وفات پرسینیٹ میں جھگڑاکیوں؟پرویزالہی کےگھرچھاپہ

لاہور:اللہ تعالیٰ رحم فرمائے اورتمام پریشان حال لوگوں کی پریشانیاں دورفرمائیں یہ کہنا تھا سینئرصحافی مبشرلقمان کا جوترکی اور شام میں آنے والے تباہ کن زلزلے کا منظرنامہ بیان کرکے اپنا دلی دکھ بھی بیان کررہے تھے ، ان کا کہنا تھا کہ ترکی اورشام میں زلزلے نے پاکستان میں 2005 میں آنے والے زلزلے کی تباہ کاریاں یاد دلا دیں

مبشرلقمان کا کہنا تھا کہ وہ جب زلزلہ آیا تو سفرپر تھے اور اسی دوران وی لاگ کرکے اپنے چاہنے والوں کوترکی اورشام میں آنے والے زلزلے کی تباہ کاریوں سے آگاہ کیاان کا کہنا تھا کہ ری ایکٹرسکیل پر زلزلے کی شدت 7.8 تھی جس نے فن لینڈ تک کے ممالک کو بھی ہلا کررکھ دیا ،ان کا یہ بھی کہناتھا کہ اس وقت جب زلزلے آئے کوچند منٹس ہی گزرے تھے تو اطلاعات تھیں کہ 2600 سے زائد لوگ جانبحق ہوگئے،ان کا یہ بھی کہنا تھا کہ یہ توزلزلے کے بعد ابتدائی معلومات تھیں مگرامکان یہی ہے کہ ہزاروں افراد اس زلزلے میں وفات پاسکتے ہیں

مبشرلقمان کا یہ بھی کہنا تھا کہ 45 سے زائد ممالک نے امداد کی پیشکش کی ہے اوروزیراعظم پاکستان شہبازشریف بھی ترکی جارہے ہیں شاید اسی وجہ سے پاکستان میں ہونے والے سلامتی کمیٹی کا اہم اجلاس ملتوی کردیا گیا ہے ، ان کا یہ بھی کہنا تھا کہ شہبازشریف کو ابھی نہیں جانا چاہیے تھا ،کیوں کہ اس سے ترکی کے لیے مشکلات ہوں گی ، ترکی میں اس وقت مدد کی ضرورت ہے اس صورت میں وزیراعظم کو پروٹوکول کی صورت مٰیں ترکی کےلیے مشکلات پیدا ہوں گی

ان کا کہنا تھا کہ عمران خان جو پہلے جیل بھرو تحریک کا اعلان کرچکے تھے اب جلد ہی یوٹرن لےلیا ہے اورکے پی اور پنجاب میں ہونے والے انتخابات سے اس تحریک کولازم قرارد دیا ہے ، ان کا یہ بھی کہنا تھا کہ عمران خان خود تو جیل بھرو تحریک کا اعلان کررہا ہے اورخودزمان پارک سے نہیں نکل رہا . لیڈر ہے توپہلے خود جیل میں جائے پھرباقی فیصلہ کریں

مبشرلقممان کا کہنا تھا کہ ان حالات میں جب پوری قوم اپنے سابق صدرکی وفات پر غمگین ہے سینیٹ میں جماعت اسلامی کی طرف سے یہ کہنا کہ جنرل پرویز مشرف کے لیے دعا نہیں کریں یہ چیز اللہ کو پسند نہیں ، ان کا کہنا تھا کہ جب اللہ کے رسول صلی اللہ علیہ والٰہ وسلم نے فرما دیا کہ مرنے والے کو معاف کردیا کریں اللہ معاف کرنے والے کو معاف کردیں‌ گے اوراگرکوئی مسئلہ ہوا بھی تو اللہ تعالیٰ کا یہ معاملہ ہے لیکن ہمیں بہرکیف اللہ کےرسول کا حکم ماننا چاہیے

ان کا یہ بھی کہنا تھاکہ امید ہےکہ 11 تاریخ کو آئی ایم ایف کے ساتھ معاہدہ ہوجائے گا ، دستخط ہوجائیں گے اورپاکستان کی معاشی صورت حال بہتر ہوجائے گی امید کی جاسکتی ہے کہ اس کے بعد پاکستان میں پیدا ہونے والی معاشی بے چینی میں شدت کم ہوجائے گی ، ان کا یہ بھی کہنا تھا کہ محمد خان بھٹی کے بارے میں معلوم ہوا ہے کہ وہ گرفتار ہوگئے ہیں اورمونس الٰہی اس وجہ سے خوف زدہ ہیں کہ محم خان بھٹی نے اگرسچ بول دیا توپھرمعاملات اور بھی خراب ہوجائیں گے