لیاری سے”بھٹوز” کی سیٹ،پیپلز پارٹی قیادت نے چھوڑ دی،آصفہ بھی نہ آ سکیں

عام انتخابات، سندھ بھر میں 9 ہزار 140 امیدواروں نے کاغذات نامزدگی جمع کروائے ہیں،قومی اسمبلی کی 61 نشستوں کے لیے 2555 امیدواروں نے جب کہ سندھ اسمبلی کی 130 جنرل نشستوں کے لیے مجموعی طور پر 6585 امیدواروں نے کاغذات نامزدگی جمع کروائے ہیں،

کراچی کے حلقے لیاری سے پیپلز پارٹی کی قیادت ہمیشہ الیکشن لڑتی رہی ہے تا ہم اب 2024 کے عام انتخابات میں لیاری کے حلقے سے پیپلز پارٹی کی قیادت نے کاغذات جمع نہیں کروائے،پیپلز پارٹی کے چیئرمین بلاول زرداری کے بارے میں کہا جا رہا تھا کہ وہ لیاری سے الیکشن لڑیں گے تاہم ایسا نہ ہو سکا، بلاول زرداری نےلیاری سمیت کراچی کی کسی سیٹ پر بھی کاغذات جمع نہیں کروائے، حالانکہ سابق وزیراعظم شہباز شریف کراچی سے کاغذات نامزدگی جمع کروا چکے ہیں،

پیپلز پارٹی چیئرمین بلاول زرداری نے پہلا الیکشن 2018 میں لیاری سے ہی لڑا تھا، لیاری سے قومی اسمبلی کی سیٹ "بھٹوز” کے نام سے مشہور ہے تا ہم اس بار پیپلز پارٹی کی قیادت لیاری کی عوام کے ساتھ دھوکہ کر گئی،لیاری کی سیٹ سے بینظیر، آصف زرداری، بھٹو بھی الیکشن لڑ چکے ہیں،سابق وزیراعظم بینظیر بھٹو نے 1988 میں لیاری سے الیکشن لڑا تھا، آصف زرداری نے 1993 میں لیاری سے الیکشن لڑا تھا، ذوالفقارعلی بھٹو نے بھی لیاری کی نشست پر عام انتخابات میں حصہ لیا تھاتاہم اس بار لیاری کی سیٹ پر پیپلز پارٹی کی قیادت نے کاغذات جمع نہیں کروائے،بلکہ پیپلز پارٹی کے مقامی امیدوار نے کاغذات جمع کروائے ہیں

دوسری جانب آصفہ زرداری نے کسی بھی حلقے سے کاغذات نامزدگی جمع نہیں کروائے، آصف زرداری نے آصفہ کو سیاست میں لانے کا اعلان کیا تھا ،امید کی جا رہی تھی کہ آصفہ الیکشن لڑیں گی تاہم آصفہ کے کہیں سے بھی کاغذات نامزدگی جمع نہیں کروائے گئے.31 مارچ 2022کو سابق صدر آصف زرداری نے کہا تھا کہ آصفہ بھٹو کو اگلے انتخابات میں پارلیمانی سیاست میں لے کر آؤں گا،تاہم ایسا نہ ہو سکا

آصفہ بھٹو زرداری سابق صدر آصف علی زرداری کے تین بچوں میں سب سے چھوٹی ہیں۔ ان کی پیدائش 3 فروری 1993 کو لندن میں ہوئی تھی تاہم اب وہ اپنی فیملی کے ساتھ پاکستان میں مقیم ہیں اور سیاسی سرگرمیوں میں حصہ لیتی رہتی ہیں۔آصفہ بھٹو زرداری گزشتہ کچھ سالوں سے خواتین کے حقوق کے حوالے سے کام کرتی آرہی ہیں تاہم ان کی سیاست میں باضابطہ انٹری پی ڈی ایم کے ملتان جلسے سے ہوئی تھی جس میں انہوں نے اپنے سیاسی کریئر کی پہلی تقریر کی تھی

آصفہ نے لانگ مارچ کی قیادت بھی کی تھی اور کراچی سے اسلام آباد بلاول کے ہمراہ تھیں،راستے میں ڈرون سے زخمی بھی ہوئی تھیں.

لطیف کھوسہ، چیئرمین سینیٹ بھی لڑیں گے الیکشن، کاغذات نامزدگی جمع کروانے کا سلسلہ جاری

عام انتخابات،سیاسی رہنمامیدان میں آ گئے،مولانا،نواز،بلاول،شہباز کہاں سے لڑینگے الیکشن؟

 الیکشن کمیشن کو تمام شکایات پر فوری ایکشن لیکر حل کرنے کا حکم

کاغذات نامزدگی جمع کرانے کے وقت میں 2 دن کا اضافہ 

ن لیگ کے محسن رانجھا نے پی ٹی آئی والوں پر پرچہ کٹوا دیا .

نواز شریف پر مقدر کی دیوی مہربان،راستہ صاف،الیکشن،عمران خان اور مخبریاں

عام انتخابات کے دن قریب آئے تو تحریک انصاف کی مشکلات میں اضافہ