لاہور : لیسکو ریجن میں بجلی چوروں کے خلاف گرینڈ آپریشن کے دوران اہم شخصیات سمیت 330 افراد بجلی چوری میں ملوث پائےگئے-
باغی ٹی وی: نجی خبررساں ادارے کے مطابق ترجمان لیسکو کے مطابق کارروائی کے دوران 130ایف آئی آر درج کرکے 11 ملزمان کو گرفتار کیا گیا ہے سابق رکن قومی اسمبلی مہر سعید ظفر پڈہار بھی بجلی چوری میں ملوث پائےگئے، ان پر 8620 یونٹس کے 2 لاکھ 50 ہزار روپے چارج کردیئے گئے-
ترجمان لیسکو کے مطابق سابق چیئرمین ضلع کونسل رانا ایوب کو 1096 یونٹس کے 69 ہزار 457 روپےچارج کیےگئےسابق وائس چیئرمین اللہ توکل کو 5 ہزار 156 یونٹس کے 2 لاکھ 68 ہزار 112 روپے چارج کیےگئے، پی ٹی آئی رہنما طارق جاوید کو 4 ہزار 753 یونٹس کے 2 لاکھ 5 ہزار247 روپے چارج کیےگئے۔
سونے کی قیمت میں ہزاروں روپے کی کمی
ترجمان لیسکو نے بتایا کہ ایک ہاؤسنگ سوسائٹی کو 71 ہزار 943 یونٹس کے 35 لاکھ 97 ہزار 150 روپے چارج کیےگئے، 330 ملزمان کو مجموعی طور پر 4 کروڑ 74 لاکھ 27 ہزار روپے چارج کیےگئے۔
قبل ازیں 3ستمبر کو چیف ایگزیکٹو لیسکوانجینئر شاہد حیدر کی ہدایات پرتمام سرکلز میں بجلی چوروں کیخلاف بڑے پیمانے پر سرچ آپریشن کئے گئے۔ترجمان لیسکو کا کہنا تھا کہ اسی سلسلے میں سپرنٹنڈنگ انجینئر نادرن سرکل کی زیر نگرانی ایس ڈی او ساندہ عرفان علی نے اپنے سٹاف کے ہمراہ خضر ٹاؤن اور سگیاں روڈ کے علاقوں میں آپریشن کیا۔
انٹر بینک اور اوپن مارکیٹ میں ڈالرمزید سستا
سرکاری خبررساں ادرے "اے پی پی ” کے مطابق دوران چیکنگ 15 کنکشنز کو ڈائریکٹ سپلائی چلاتے پکڑا گیا لیسکوٹیم نے تمام بے ضابطہ کنکشن منقطع کر دئیے اور ان صارفین کو ڈٹیکشن بل کی مد میں 60ہزار یونٹس اور تینتیس لاکھ روپے ڈٹیکشن بل کی مد میں چارج کئے گئے۔دوسری جانب ایس ڈی او چوبرجی پارک نصیر احمد نے اپنے سٹاف کے ہمراہ چوبرجی پارک سب ڈویژن کے علاقے نگینہ ٹاؤن میں آپریشن کرتے ہوئے صارفین کے گھروں سے بجلی چوری پکڑی جو کہ ڈائریکٹ سپلائی کے ذریعے بجلی چوری کر رہے تھے۔
حکومت پنجاب کا بجلی چوروں کیخلاف کریک ڈاؤن کا فیصلہ
کنکشن منقطع کرنے پر ملزمان نے اپنے ساتھیوں کے ہمراہ لیسکو ٹیم پر حملہ کر دیا، ملزمان کے تشدد سے میٹر ریڈر محمد عامر اور سکندر شدید زخمی ہو گئے۔ملزمان نے لیسکو ٹیم کو حبس بے جا میں رکھا،جنہیں بعد میں پولیس کی جانب سے بازیاب کروایا گیا۔ایس ڈی او چوبرجی پارک نصیر احمد کے مطابق بجلی چوروں کو 16ہزار یونٹس اور آٹھ لاکھ اسی ہزار روپے ڈٹیکشن بل کی مد مین چارج کئے گئے ۔دریں اثنا سپرنٹنڈنگ انجینئر ساؤتھ سرکل عقیل ظفر سلہری کی زیر نگرانی ایس ڈی او حمزہ ٹاؤن رانا دلیر طارق نے اپنے سٹاف کے ہمراہ چندرائے روڈ کے علاقوں میں آپریشن کیا۔
ڈیرہ غازیخان: تعلیمی بورڈ نےانٹرمیڈیٹ پارٹ 2، دوسرے سالانہ امتحان کا شیڈول جاری کر دیا
دوران چیکنگ بجلی چوروں نے لیسکو ٹیم پر حملہ کر دیا جس کے نتیجہ میں لائن مین محمد خان شدید زخمی ہو گیا زخمی لائن مین کو جنرل ا سپتال منتقل کیا گیا، سپرنٹندنگ انجینئر اوکاڑہ سرکل احمد شہزاد کی زیر نگرانی ایکسئین رینالہ ملک عرفان اللہ نے اپنے سٹاف کے ہمراہ ڈویژن کے زیرانتظام علاقوں میں آپریشن کیا۔
دوران چیکنگ مختلف نوعیت کی بے ضابطگیاں سامنے آئیں۔ پکڑے جانے والے کنکشنزڈائریکٹ سپلائی سے بجلی چوری کر رہے تھے۔ تمام بے ضابطہ کنکشن منقطع کرکے4,027 یونٹس اور دو لاکھ اکیس ہزار چار سو پچاسی روپے ڈٹیکشن بل کی مد میں چارج کئے گئے ہیں۔ تمام پکڑے جانے والے بجلی چوروں کے خلاف ایف آئی آر کے اندراج کے لئے درخواستیں متعلقہ تھانوں میں جمع کروا دی گئی ہیں۔
5 ہزار روپے کے کرنسی نوٹ بند ہو رہے؟ ترجمان سٹیٹ بینک کا موقف
واضح رہےکہ بجلی چوری کی روک تھام کے لیے یہ کریک ڈاؤن نگران وزیر اعظم انوار الحق کاکڑ کی ہدایت پر کیا جارہا ہے گزشتہ روز نگران وزیر توانائی محمد علی نے واضح الفاظ میں کہا تھا کہ جب تک بجلی چوری ختم نہیں ہوتی اور لوگ بل ادا نہیں کرتے اس وقت تک عوام کو سستی بجلی نہیں ملے گی۔