لاہور ہائیکورٹ میں 11 ججزکو بلا سود قرضے کی منظوری کیخلاف درخواست سماعت کے لیے مقرر کردی گئی۔
باغی ٹی وی: جسٹس شمس محمود مرزا شہری مشکور حسین کی دائر کردہ درخواست پر کچھ دیر بعد سماعت کریں گے،شہری مشکور حسین نے درخواست میں چیف سیکرٹری ،سیکرٹری فنانس سمیت دیگر کو فریق بنایا گیا-
درخواست گزارنے موقف اختیار کیا ہے کہ ججز کو بلاسود قرضہ فراہم کرنا غیر قانونی اقدام ہے، وہ پہلے ہی بے شمار مراعات حاصل کررہے ہیں نگراں حکومت عوام کے ٹیکس کے پیسے کا بےدریغ استعمال نہیں کر سکتی،درخواست میں استدعا کی گئی ہے کہ عدالت نگران حکومت کی جانب سے ججز کو قرضے دینے کی منظوری کالعدم قرار دے، درخواست کے حتمی فیصلہ تک ججز کو قرضہ دینے کا اقدام معطل کیا جائے۔
پرویزالٰہی کی درخواست ضمانت پر سماعت کل تک ملتوی
رجسٹرار آفس نے درخواست پر اعتراض عائد کردیا جس کے مطابق درخواست گزار نے مصدقہ دستاویزات ساتھ نہیں لگائیں جسٹس شمس محمود مرزا بطور اعتراضی درخواست پر سماعت کریں گے۔
واضح رہے کہ نگراں پنجاب حکومت نے لاہور ہائی کورٹ کے 11 ججز کو 36 کروڑ روپے سے زائد قرضوں کی منظوری دی تھی لاہور ہائی کورٹ کے 11 ججز 12 سال کی مدت میں بغیر ایک روپیہ سود ادا کیے یہ قرض واپس کریں گے۔
