لیبیا کشتی حادثے میں ملوث گینگ کے دو ملزمان گجرات سے گرفتار

لاہور: ایف آئی اے کمپوزیٹ سرکل گجرات نے کشتی حادثہ میں ملوث منظم گینگ کے دو ملزمان کو گرفتار کر لیا۔

باغی ٹی وی: گزشتہ دنوں اٹلی کے بعد لیبیا میں بھی کشتی ڈوبنے کا واقعہ پیش آیا جس میں 3 پاکستانی جاں بحق ہوئےلیبیا کشتی حادثے میں ملوث انسانی اسمگلرزکےخلاف مقدمہ حادثےمیں جاں بحق منیب الرحمان کےوالدکی مدعیت میں درج کیاگیاجس پر ایف آئی اے نے کارروائی کرتے ہوئے مقدمہ میں نامزد 6 ملزمان میں سے 2 انسانی اسمگلرز کو گرفتار کرلیا۔

گرفتار ملزمان میں راجہ راحیل اور سفیان شامل ہیں گرفتار ملزمان کا تعلق گجرات سے ہے ملزمان کو کھاریاں سے گرفتار کیا گیا،افسوسناک واقعہ سے پہلے ملزمان لیبیا کشتی حادثے کا شکار افراد کے لواحقین سے پیسے وصول کرتے تھے ملزمان وصول کئے گئے پیسے گینگ کے سرغنہ کو ٹرانسفر کرتے تھے۔

ملزمان پیسے وصول ہونے کے بعد اگلی منزل کا تعین کرتے تھے ملزمان کی گرفتاری کے لئے جدید وسائل کو بروئے کار لایا گیا۔

ڈپٹی ڈائریکٹر ایف آئی اے غلام سرور وڑائچ کے مطابق گرفتار ملزمان میں راجا راحیل اور سفیان شامل ہیں ،ملزمان کو گجرات،کوٹلہ ارب علی خان سے گرفتار کیا گیا مقدمے میں نامزد دو انسانی اسمگلر حمزہ اور آفاق لیبیا میں مقیم ہیں جبکہ ملزم حمزہ انسانی اسمگلنگ کے گروہ کا سرغنہ ہے

ڈائریکٹرجنرل ایف آئی اے نے بھی گزشتہ روز نوٹس لیتے ہوئے انسانی سمگلروں کے خلاف سخت کارروائی کا حکم دیا تھا۔ ملزمان کو گرفتار کر کے تحقیقات کا آغاز کردیا گیا اور دیگر ملزمان کی گرفتاری کے لئے چھاپے مارے جا رہے ہیں۔