سیالکوٹ:پولیس کا شراب کی فیکٹری پر چھاپہ، ایک ہزار بوتلیں برآمد ، ملزم گرفتار

سیالکوٹ (باغی ٹی وی،بیوروچیف شاہدریاض):پولیس کا شراب کی فیکٹری پر چھاپہ، ایک ہزار بوتلیں برآمد ، ملزم گرفتار

تھانہ ہیڈمرالہ پولیس نے شراب فروشوں کے خلاف بڑی کارروائی کرتے ہوئے ایک فیکٹری کا پتہ لگا کر ایک ہزار بوتلیں ولائتی شراب برآمد کی ہیں اور ملزم جنید کو گرفتار کر لیا ہے۔

واقعات کے مطابق، تھانہ ہیڈمرالہ کے ایس ایچ او کاشف بٹ نے ایک مخبر خاص کی اطلاع پر ملزم جنید کے خلاف کارروائی کرتے ہوئے اسے رنگے ہاتوں شراب تیار کرتے ہوئے گرفتار کر لیا۔ ملزم مختلف کیمیکلز کے ذریعے جعلی الکحل تیار کرکے ولائتی شراب کی بوتلیں تیار کرتا تھا۔

دوران تفتیش، ملزم نے اعتراف کیا کہ وہ جعلی ولائتی شراب تیار کرکے عرصے سے ضلع سیالکوٹ کے مختلف علاقوں میں فروخت کرتا رہا ہے۔

اس موقع پر ایس ایچ او کاشف بٹ نے صحافیوں کو بتایا کہ ان شاء اللہ علاقہ ہیڈمرالہ کو جرائم پیشہ عناصر سے پاک کر دیا جائے گا