گوگل کروم اور موزیلا فائرفاکس کے ذریعے ممکنہ سائبر حملوں کے خطرے کے پیش نظر نیشنل سائبر ایمرجنسی رسپانس ٹیم نے ایک نئی ہدایت نامہ جاری کیا ہے۔
باغی ٹی وی کے مطابق پاکستان کی نیشنل سائبر ایمرجنسی رسپانس ٹیم نے ایک اہم ہدایت نامہ جاری کرتے ہوئے گوگل کروم اور موزیلا فائرفاکس براؤزرز کے ذریعے ممکنہ سائبر حملوں سے آگاہ کیا ہے۔ہدایت نامے کے مطابق سائبر حملہ آور انٹرنیٹ براؤزرز میں موجود سیکیورٹی کمزوریوں سے فائدہ اٹھا کر صارفین کے نازک معلومات تک رسائی حاصل کر سکتے ہیں۔ ان معلومات میں محفوظ کردہ ڈیٹا، لاگ ان کی تفصیلات اور دیگر حساس معلومات شامل ہو سکتی ہیں جو سائبر مجرموں کا ہدف بن سکتی ہیں۔
سائبر سیکیورٹی کے ماہرین نے خبردار کیا ہے کہ یہ خطرہ صرف کمپیوٹرز تک محدود نہیں بلکہ موبائل آلات کو بھی متاثر کر سکتا ہے، جس سے لاکھوں صارفین متاثر ہونے کا امکان ہے۔نیشنل سائبر ایمرجنسی رسپانس ٹیم نے ہیکنگ سے تحفظ کے لیے متعدد تجاویز بھی دی ہیں۔ ہدایت نامے میں صارفین کو مشورہ دیا گیا ہے کہ وہ فوری طور پر گوگل کروم اور موزیلا فائرفاکس کے جدید ترین ورژنز انسٹال کریں تاکہ سیکیورٹی پیچز کے ذریعے ممکنہ سائبر خطرات سے محفوظ رہا جا سکے۔ اس کے علاوہ، صارفین کو یہ بھی کہا گیا ہے کہ وہ غیر مصدقہ اور مشتبہ ویب سائٹس سے اجتناب کریں اور انٹرنیٹ استعمال کرتے وقت خصوصی احتیاط برتیں۔
آرمی چیف سید عاصم منیر کو بیٹن آف فیلڈ مارشل عطا کر دیا گیا
وفاقی وزیر احد چیمہ سے عالمی بینک کی مینجنگ ڈائریکٹر آپریشنز کی ملاقات
وزیراعلیٰ پنجاب کااگلے سال سے ہونہار سکالرشپ کی تعداد مزید بڑھانے کا اعلان
