لنڈی کوتل(باغی ٹی وی رپورٹ)لنڈیکوتل کے علاقے شلمان سے تعلق رکھنے والے چار بھائیوں حاجی یار محمد، حاجی خان محمد، لعل محمد اور رسول خان نے لنڈیکوتل پریس کلب رجسٹرڈ میں پریس کانفرنس کرتے ہوئے اپنے چھوٹے بھائی نور محمد ولد غلام محمد سکنہ لوئے شلمان شنیلو سے باضابطہ طور پر لاتعلقی کا اعلان کر دیا۔
پریس کانفرنس کے دوران انہوں نے کہا کہ نور محمد کے غلط چال چلن اور لین دین کے باعث انہیں شدید مالی نقصان اٹھانا پڑا ہے۔ ان کا کہنا تھا کہ وہ مزید نقصان برداشت کرنے کی سکت نہیں رکھتے، اسی لیے آج کے بعد اگر کوئی بھی شخص نور محمد ولد غلام محمد سکنہ لوئے شلمان شنیلو کے ساتھ کسی قسم کا لین دین کرتا ہے تو اس کے نتیجے میں ہونے والے نقصان کے وہ خود ذمہ دار ہوں گے اور اس کی کوئی ذمہ داری ان چاروں بھائیوں پر عائد نہیں ہوگی۔
انہوں نے مزید کہا کہ اس فیصلے سے متعلق متعلقہ اداروں کو بھی تحریری طور پر آگاہ کیا جائے گا تاکہ آئندہ نور محمد کے غلط چال چلن یا کسی بھی قسم کے مالی معاملات کی ذمہ داری ان پر نہ ڈالی جائے۔
