لنڈی کوتل (باغی ٹی وی رپورٹ) جامعہ بنوریہ اشخیل میں سالانہ دستاربندی کی روح پرور اور پروقار تقریب منعقد ہوئی، جس میں ممتاز علماء کرام، مقامی عمائدین اور عوام کی کثیر تعداد نے شرکت کی۔ اس موقع پر فارغ التحصیل طلبہ و طالبات کی دستاربندی کی گئی، جبکہ علماء کرام نے مدارس کی اہمیت اور قرآن و حدیث کی فضیلت پر روشنی ڈالی۔
تقریب میں ممتاز عالم دین مفتی سید قمر صاحب بطور مہمانِ خصوصی شریک ہوئے، جبکہ دیگر معزز علماء میں مفتی کفایت اللہ عباسی، شیخ الحدیث مولانا تحسین اللہ، شیخ الحدیث مولانا شیر حیدر، جے یو آئی خیبر کے امیر مولانا حضرت خان، سینئر نائب امیر الحاج شمس الدین، قاری جہاد شاہ آفریدی، تحصیل لنڈی کوتل امیر مولانا عاقب درویش، مولانا مجاہد، مولانا رحمت اللہ ناصح، مولانا انوار اللہ عثمانی عرف سرائے استاد، مولانا ودان اللہ درویش، قاری محمد عظیم مدنی اور جامعہ کے مہتمم مولانا سید محمد احمد بنوری عرف باچا جی سمیت کئی علماء کرام و عمائدین نے خصوصی شرکت کی۔
تقریب میں ختمِ بخاری شریف کی سعادت مفتی سید قمر صاحب نے حاصل کی، جبکہ فارغ التحصیل طلبہ و طالبات کی دستاربندی کی گئی، جن کی تفصیلات درج ذیل ہے شعبہ بنات: 35 عالمات (بخاری شریف)، 92 طالبات (شعبہ تجوید)شعبہ بنین: 13 حفاظ کرام، 42 ناظرہ قرآن کے طلبہ
تقریب میں مختلف علماء کرام نے قرآن و حدیث کی فضیلت اور موجودہ دور میں مدارس دینیہ کی اہمیت پر تفصیلی روشنی ڈالی، جسے حاضرین نے نہایت توجہ اور عقیدت سے سنا۔
آخر میں جامعہ کے ناظمِ تعلیمات مولانا سید علی احمد بنوری نے تمام معزز مہمانوں، علماء کرام اور شرکاء کا شکریہ ادا کیا، جبکہ تقریب کا اختتام امت مسلمہ اور جامعہ کی کامیابی و ترقی کے لیے خصوصی دعا کے ساتھ ہوا۔
