اسٹیٹ بینک آف پاکستان نے عوام کے لیے ’’میرا گھر میرا آشیانہ‘‘ اسکیم کا آغاز کر دیا ہے جس کے تحت پہلی مرتبہ گھر خریدنے والے افراد 20 لاکھ سے 35 لاکھ روپے تک قرض حاصل کر سکیں گے۔
مرکزی بینک کے مطابق اسکیم کے اہل افراد وہ ہوں گے جو پہلی بار گھر خرید رہے ہیں اور ان کی جائیداد کی مالیت 20 سے 35 لاکھ روپے کے درمیان ہوگی۔اس سہولت کے تحت قرض کا دورانیہ 20 سال رکھا گیا ہے، تاہم حکومت کی جانب سے سبسڈی 10 سال تک فراہم کی جائے گی۔اسٹیٹ بینک نے بتایا کہ تمام روایتی اور اسلامی بینک، مائیکرو فنانس بینک اور ہاؤس بلڈنگ فنانس کارپوریشن (ایچ بی ایف سی) قرض کی فراہمی کے لیے شامل ہوں گے۔
بینک قرض کی پرائسنگ کائیبور پلس 3 فیصد کے مطابق کریں گے، جبکہ صارفین کے لیے شرحِ منافع 20 لاکھ تک قرض پر 5 فیصد اور 35 لاکھ تک قرض پر 8 فیصد ہوگی۔اہم بات یہ ہے کہ قرض کی پروسیسنگ پر صارفین سے کوئی فیس وصول نہیں کی جائے گی۔
ایشیا کپ: بنگلادیشی کپتان کا بھارتی کپتان سے ہاتھ ملانے سے انکار
مسلم رہنماؤں اور ٹرمپ کی ملاقات: غزہ میں جنگ کے فوری خاتمے پر زور
جنوبی افریقا کے خلاف ٹیسٹ سیریز، ممکنہ اسکواڈ پر مشاورت مکمل
ٹرمپ سے مسلم سربراہان کی ملاقات شاندار ، نتائج چند دن میں آئیں گے: خواجہ آصف
