ممتاز حیدر
پاکستانی فوج کی جانب سے بھارتی فوج کی جارحیت کے خلاف بھرپور جوابی کارروائی کی جا رہی ہے۔ سکیورٹی ذرائع کے مطابق پاک فوج نے بلا اشتعال فائرنگ کرنے پر بھارتی فوج کی کئی چیک پوسٹوں کو تباہ کر دیا ہے۔
پاکستانی فوج نے بھارتی فوج کے خلاف کیلر سیکٹر میں ڈوبہ مور پوسٹ، بٹالین ہیڈ کوارٹر سوجی اور پیر کانتھی سیکٹر میں جبار اینڈ ترکھیاں کمپلیکس کو مکمل طور پر تباہ کر دیا۔ سکیورٹی ذرائع کے مطابق ان پوسٹوں کی تباہی سے بھارتی فوج کو بھاری نقصان اٹھانا پڑا ہے۔پاکستان کی موثر جوابی کارروائیاں بھارتی جارحیت کا بھرپور جواب دے رہی ہیں اور اس سے قبل بھی کئی بھارتی چیک پوسٹس کو تباہ کیا جا چکا ہے۔ سکیورٹی ذرائع کا کہنا ہے کہ یہ کارروائیاں بھارتی فوج کی بلا اشتعال فائرنگ کے جواب میں کی جا رہی ہیں تاکہ لائن آف کنٹرول پر امن و سکون قائم رکھا جا سکے۔پاکستانی فوج کا کہنا ہے کہ وہ بھارتی جارحیت کا بھرپور جواب دیتی رہے گی اور کسی بھی حملے کا منہ توڑ جواب دیا جائے گا۔
