لاک ڈاؤن میں اب واٹس ایپ پربال کٹوائیں؟ شہری عدالت پہنچ گیا
باغی ٹی وی کی رپورٹ کے مطابق سندھ ہائیکورٹ میں چھوٹے کاروبار کی اجازت سے متعلق درخواست پر سماعت ہوئی
عدالت نے استفسار کیا کہ حکومت چھوٹے کاروباری طبقے کیلئےکیا اقدامات کررہی ہے ،سندھ ہائیکورٹ نے صوبائی حکومت کو14مئی تک تفصیلات جمع کرنے کی ہدایت کر دی،
ایڈیشنل ایڈوکیٹ جنرل نے کہا کہ حکومت نے ایس او پی کے تحت کچھ صنعتیں کھولنے کا اجازت نامہ جاری کیا کچھ کاروباری مراکز کو آن لائن کاروبار کرنے کی اجازات دی گئی ہے،
جسٹس محمد علی مظہر نے کہا کہ چھوٹی دکانیں آن لائن کاروبار کیسے کریں گی؟ وفاقی و صوبائی حکومت نے بیشتر اقدامات کیے ہیں چھوٹے کاروباری طبقے کیلئےبھی سوچنا چاہیے،اسٹیشنری،الیکٹریشن اوردیگرکی عوام کو ضرورت پڑتی ہےایسے کیسے کام چلے گا؟
ایڈیشنل ایڈوکیٹ جنرل نے کہا کہ نائی کو دکان کھولنے کی اجازت نہیں ہے،درخواست گزار نے کہا کہ کیا عوام اب واٹس ایپ پربال کٹوائیں گے؟آن لائن تعلیم شروع ہوگئی ہے بچے کیسے لکھیں گے اسٹیشنری کی دکانیں بند ہیں،
واضح رہے کہ کرونا وائرس کی وجہ سے ملک بھر میں لاک ڈاؤن نافذ ہے.
