لندن(باغی ٹی وی) بھارتی ہائی کمیشن کے باہر پاک فوج زندہ باد،مودی مردہ باد کے فلک شگاف نعرے
لندن میں واقع بھارتی ہائی کمیشن کے اطراف کا علاقہ اس وقت "پاک فوج زندہ باد”، "آئی ایس آئی زندہ باد” اور "کشمیر بنے گا پاکستان” جیسے نعروں سے گونج اٹھا، جب پاکستان مسلم لیگ (ن) برطانیہ چیپٹر کے زیر اہتمام ایک بھرپور احتجاجی مظاہرہ منعقد کیا گیا۔ مظاہرین نے ہاتھوں میں پاکستانی پرچم اور پلے کارڈز تھام رکھے تھے، جن پر بھارت کی ریاستی دہشتگردی، مودی حکومت اور ہندوتوا نظریے کے خلاف شدید مذمتی پیغامات درج تھے۔
https://x.com/BaaghiTV/status/1919018986911449444
یہ احتجاج مقبوضہ کشمیر کے علاقے پہلگام میں 22 اپریل کو ہونے والے خونریز حملے کے بعد منعقد کیا گیا، جس میں 26 افراد جان کی بازی ہار گئے تھے۔ مظاہرین نے اس واقعے کو ایک "فالس فلیگ آپریشن” قرار دیتے ہوئے واضح کیا کہ بھارت نے ایک بار پھر بغیر کسی ثبوت کے انگلی پاکستان کی طرف اٹھائی، تاکہ عالمی برادری کی توجہ مقبوضہ کشمیر میں ہونے والی انسانی حقوق کی سنگین خلاف ورزیوں سے ہٹائی جا سکے۔
https://x.com/BaaghiTV/status/1919019244819222924
مظاہرین نے مودی حکومت اور اس کے انتہاپسند نظریات کے خلاف شدید نعرے بازی کی۔ "مودی دہشتگرد ہے”، "ہندوتوا نظریہ مردہ باد”، "کشمیر پاکستان کا ہے” جیسے فلک شگاف نعرے نہ صرف بھارتی ہائی کمیشن کی دیواروں سے ٹکرا کر واپس آئے، بلکہ لندن کی فضاؤں میں پاکستانیوں کے قومی جذبے کا اظہار بھی بنے۔
https://x.com/BaaghiTV/status/1919019469768098139
پاکستان مسلم لیگ (ن) برطانیہ کے صدر احسن ڈار نے خطاب کرتے ہوئے کہا کہ "یہ صرف ایک احتجاج نہیں، بلکہ اوورسیز پاکستانیوں کی اپنی مٹی سے وابستگی، پاک فوج اور قومی سلامتی کے اداروں سے محبت کا واضح اظہار ہے۔” ان کا کہنا تھا کہ پہلگام کا واقعہ سوچی سمجھی سازش کا نتیجہ ہے، جس کے ذریعے بھارت نے عالمی سطح پر پاکستان کو بدنام کرنے کی کوشش کی، لیکن دنیا اب بھارت کے چہرے سے نقاب ہٹا چکی ہے۔
https://x.com/BaaghiTV/status/1919019744293748873
احتجاج میں شریک شرکا نے یہ پیغام دیا کہ دنیا کے کسی بھی کونے میں ہوں، پاکستانی عوام کشمیر کے ساتھ کھڑے ہیں اور بھارتی ریاستی ظلم و جبر کے خلاف ہر محاذ پر آواز بلند کرتے رہیں گے۔
