لاس اینجلس، تباہ کن آگ سے 77 سالہ اداکار جیمز ووڈس کا گھر محفوظ

امریکی شہر لاس اینجلس کے پیسیفک پیلیسیڈز میں 6 روز سے بھڑکتی ہوئی آگ نے علاقے میں تباہی مچائی ہوئی ہے۔ اس آگ پر اب تک صرف 11 فیصد قابو پایا جا سکا ہے، اور اس کے نتیجے میں ہزاروں ایکڑ رقبہ جل کر خاکستر ہو چکا ہے۔ ہزاروں گھر راکھ میں تبدیل ہو چکے ہیں، لیکن ان تباہی کے درمیان ایک گھر ایسا بھی ہے جو معجزاتی طور پر بچ گیا، اور وہ گھر جیمز ووڈس کا ہے۔

امریکی اداکار جیمز ووڈس نے سوشل میڈیا پلیٹ فارم ایکس (ٹوئٹر) پر اپنی خوشی کا اظہار کرتے ہوئے بتایا کہ ان کا گھر آگ کی لپیٹ میں آنے کے باوجود محفوظ رہا۔ اداکار نے لکھا کہ "معجزاتی طور پر ہم اپنے گھر تک پہنچنے میں کامیاب ہو گئے، جس کے بارے میں ہمیں لگ رہا تھا کہ وہ تباہ ہو چکا ہے، لیکن ہمارا گھر اب بھی موجود ہے۔”77 سالہ جیمز ووڈس نے اپنے گھر کی چھت سے بنائی گئی ایک ویڈیو بھی شیئر کی ہے، جس میں آگ کے دھوئیں کے ساتھ اردگرد کے تمام گھروں کو جلتے ہوئے دکھایا گیا ہے۔ ویڈیو میں جیمز ووڈس کے گھر کے آس پاس موجود گھروں کو راکھ میں تبدیل ہوتے ہوئے واضح طور پر دکھایا گیا ہے۔

اداکار نے مزید بتایا کہ "جب آگ ہمارے گھر کے قریب پہنچی تو ہم فوری طور پر انخلا کرنے پر مجبور ہوئے۔ ہم اپنے گھر کو چھوڑتے وقت صرف اپنے جسم پر موجود کپڑے ہی ساتھ لے سکے، اور اس وقت بہت زیادہ افراتفری تھی۔ ہمارے اردگرد ہر گھر میں آگ لگی ہوئی تھی۔”جیمز ووڈس نے یہ بھی کہا کہ انہوں نے اپنے گھر کی تزئین و آرائش تین سال تک کی تھی اور حال ہی میں اس میں منتقل ہوئے تھے، جس کے بعد یہ آگ ان کے لیے ایک بڑا دھچکا بن کر آئی۔

علاوہ ازیں، امریکی سرمایہ کار ڈیوڈ اسٹینر کا گھر بھی لاس اینجلس کی آگ میں محفوظ رہا۔ ڈیوڈ اسٹینر کا تین منزلہ گھر جو 9 ملین ڈالر کی مالیت کا ہے، امریکی پروڈیوسر سے خریدا گیا تھا۔ ان کا گھر بھی آگ سے بچ گیا، جس سے یہ ظاہر ہوتا ہے کہ کچھ گھروں نے اس تباہ کن آگ کے باوجود اپنی حفاظت کی ہے۔

تباہی پر میرا دل ٹوٹ گیا ،لاس اینجلس میں آگ پرپریتی زنٹا کا آنکھوں دیکھا حال

20 سال قبل سپمسن نے لاس اینجلس میں خوفناک آتشزدگی کی پیشگوئی کی تھی؟