امریکی ریاست کیلیفورنیا کے شہر لاس اینجلس میں ایک زور دار دھماکے کے نتیجے میں کم از کم 3 افراد ہلاک ہو گئے۔
امریکی میڈیا رپورٹس کے مطابق یہ دھماکا لاس اینجلس کاؤنٹی شیرف کے اسپیشل انفورسمنٹ بیورو کے کمپاؤنڈ میں اس وقت ہوا جب وہاں بم اسکواڈ کی ایک گاڑی کھڑی تھی۔ ابتدائی اطلاعات کے مطابق دھماکے کی نوعیت اور وجہ تاحال معلوم نہیں ہو سکی۔سیکیورٹی ادارے فوری طور پر جائے وقوعہ پر پہنچ گئے اور علاقے کو گھیرے میں لے کر تحقیقات کا آغاز کر دیا گیا ہے۔ مقامی حکام نے ہلاکتوں کی تصدیق کرتے ہوئے بتایا کہ کسی بھی مزید جانی یا مالی نقصان کے خدشے کے پیش نظر علاقے کو مکمل طور پر سیل کر دیا گیا ہے۔
دھماکے کے فوراً بعد ریسکیو اور ایمرجنسی سروسز نے کارروائی کا آغاز کر دیا، جبکہ قریبی اسپتالوں میں ایمرجنسی نافذ کر دی گئی ہے۔
پاکستان کامجید بریگیڈ کو عالمی دہشتگرد تنظیموں کے نیٹ روک میں شامل کرنے کا مطالبہ
