محمد اورنگزیب ایچ بی ایل کے صدر اور چیف ایگزیکٹیو کے عہدے سے مستعفی

وفاقی کابینہ میں شامل ہونے کے بعد محمد اورنگزیب نے ایچ بی ایل کے صدر اور چیف ایگزیکٹیو کے عہدے سے استعفیٰ دے دیا۔ پاکستان اسٹاک ایکسچینج میں نجی بینک کی جانب سے اہم نوٹ جمع کروایا گیا۔ نوٹ کے مطابق بینک کے بورڈ آف ڈائریکٹرز نے محمد اورنگزیب کا استعفیٰ منظور کر لیا۔خیال رہے کہ محمد اورنگزیب وفاقی کابینہ میں شامل ہوگئے، انہوں نے آج کا بینہ ممبر کا حلف اٹھایا۔ محمد اورنگزیب سے متعلق اطلاعات تھیں کہ انہیں وزیر خزانہ بنائے جانے کا امکان ہے۔ علم میں رہے کہ محمد اورنگزیب نے اپنے پروفیشنل کیریئر کا آغاز نجی بینک سے کیا تھا، وہ نجی بینک کے کنٹری منیجر کے عہدے پر بھی رہے۔محمد اورنگزیب پاکستان بزنس کونسل کے ڈائریکٹر بھی رہے، انہوں نے نجی بینک کے عہدے کے ساتھ ڈچ قومیت بھی چھوڑ دی تھی۔