گورنر سندھ محمد کامران خان ٹیسوری نے گزشتہ روز کراچی میں منعقد ہونے والی لانچ پیڈ پاکستان کی تقریب میں مہمان خصوصی کی حیثیت سے خطاب کیا۔
اپنے خطاب میں انہوں نے پاکستان کی معیشت میں بزنس مینوں کے اہم کردار کو سراہا اور کہا کہ بزنس مین پاکستان کی معیشت کے لیے ایک بڑا رول ادا کر رہے ہیں۔گورنر سندھ نے مزید کہا کہ سرمایہ کاروں کو محفوظ اور مستحکم ماحول کی ضرورت ہوتی ہے تاکہ وہ سرمایہ کاری کر سکیں۔اس حوالے سے انہوں نے صوبائی وزیر تجارت پر زور دیا کہ وہ سرمایہ کاروں کو حوصلہ دیں اور انہیں انویسٹمنٹ کے لیے موزوں ماحول فراہم کرنے کی کوشش کریں۔محمد کامران خان ٹیسوری نے اس موقع پر امریکی صدر کے حالیہ شکریہ کے پیغام کا ذکر کرتے ہوئے کہا کہ گزشتہ روز امریکی صدر نے پاکستان کے ساتھ تعاون کی درخواست کی ہے، جس کے بعد سرمایہ کاروں کے لیے نئے مواقع پیدا ہوں گے۔
گورنر سندھ نے اس بات پر بھی زور دیا کہ پاکستان کے آرمی چیف اور وزیراعظم کا مشترکہ مقصد ملکی معیشت کو مستحکم اور بہتر بنانا ہے، اور اس میں تمام اداروں کا کردار اہم ہے۔انہوں نے اس بات کا اعادہ کیا کہ حکومت پاکستان سرمایہ کاری کے لیے موزوں ماحول فراہم کرنے کے لیے پرعزم ہے اور آنے والے دنوں میں سرمایہ کاروں کو نئے مواقع فراہم کیے جائیں گے۔اس تقریب میں پاکستان کی معیشت اور سرمایہ کاری کے فروغ کے حوالے سے اہم گفتگو ہوئی، جس میں حکومت کی جانب سے مستقبل میں سرمایہ کاروں کو بہتر سہولتیں فراہم کرنے کی یقین دہانی کرائی گئی۔
امریکہ میں غیر قانونی تارکین وطن کو ڈی پورٹ کرنے کیلیے فوجی پروازیں معطل
عیدالفطر پر کتنی چھٹیاں ؟ اہم خبر آ گئی
کراچی سے طالب علم اغوا، 6 کروڑ تاوان کا مطالبہ
افغان شہریوں کے لیے نئے اقدامات کا اعلان ، ویزا قوانین سخت