باغی ٹی وی کی رپورٹ کے مطابق وزیراعظم عمران خان سے وفاقی وزیر بحری امور علی زیدی نے ملاقات کی جس کے دورن کامیاب جوان پروگرام کے اشتراک سے ماہی گیروں کو قرض فراہمی پر تبادلہ خیال کیا گیا۔
وزیراعظم عمران خان سے وفاقی وزیربرائے بحری امورسید علی حیدر زیدی نے ملاقات کے دوران پورٹس کی مجموعی صورتحال کے حوالے سے آگاہ کیا۔ اس موقع پر کراچی کی مجموعی صورت حال پر بھی بات چیت ہوئی۔ وزیراعظم نے ماہی گیروں کو مالی معاونت فراہم کرنے اور ان کی خوشحالی کیلئے تمام ممکنہ سہولیات فراہم کرنے کی بھی ہدایت کی۔
وزیراعظم عمران خان سے ڈاکٹر شاہد کاردار نے ملاقات کی،ملاقات میں منی لانڈرنگ کی روک تھام، لوٹی ہوئی رقم کی واپسی کیلئے اقدامات اور معاشی صورتحال پرتبادلہ خیال کیاگیا۔
وزیراعظم عمران خان سے ڈاکٹر شاہد کاردار کی ملاقات ہوئی ہے ،وفاقی وزیر محمد حماد اظہر, مشیرِ خزانہ ڈاکٹر عبدالحفیظ شیخ اور معاونِ خصوصی ڈاکٹر وقار مسعود بھی ملاقات میں موجود تھے،ملاقات میں منی لانڈرنگ کی روک تھام, لوٹی ہوئی رقم کے واپسی کیلئے اقدامات اور مجموعی معاشی صورتحال پر تبادلہ خیال ہوا.
