قومی ایوارڈ یافتہ صحافی و ماہر افغان امور رحیم اللہ یوسفزئی
باغی ٹی وی: قومی ایوارڈ یافتہ صحافی و ماہر افغان امور رحیم اللہ یوسفزئی 10 ستمبر 1954 میں پیدا ہوئے، انہیں القاعدہ کے سربراہ اسامہ بن لادن کے انٹرویو کی وجہ سے کافی شہرت ملی۔
رحیم اللہ یوسفزئی ان چند صحافیوں میں سے ہیں جنہوں نے طالبان کے کارروائیوں کو رپورٹ کیا اور 1995 میں خود قندھار گئے وہ روز نامہ جنگ کے لیے بطور کالم نگار کام کرتے رہے، اس سے پہلے ٹائم میگزین کے لیے بھی کام کیا جب کہ وہ بی بی سی اردو اور بی بی سی پشتو کے نمائندے بھی رہے۔
ایف بی آر کا ٹیکس چوروں کی جائیدادیں نیلام کرنے کا فیصلہ
رحیم اللہ یوسفزئی افغانستان اور شمال مغربی پاکستان کے امور کے ماہر سمجھے جاتے تھے رحیم اللہ کو صحافتی خدمات کے اعتراف میں حکومت پاکستان نے 2004 میں تمغہ امتیاز اور 2009 میں ستارہ امتیاز سے نوازا 9 ستمبر 2021 میں ان کا انتقال ہوا ان کے فرزند ارشد یوسفزئی کے مطابق وہ کینسر کے عارضے میں مبتلا تھے جو کہ ان کیلئے جان لیوا ثابت ہوا۔
