خاتون اول بی بی آصفہ بھٹو زرداری نے سروائیکل کینسر سے بچاؤ کی ویکسین کی قومی مہم کو پاکستان کے لئے ایک سنگ میل قرار دیدیا
آصفہ بھٹو زرداری کا کہنا تھا کہ ہم پہلی مرتبہ لڑکیوں کو ایچ پی وی وائرس سے بچاؤ کی ویکسین لگانے کی قومی مہم کا آغاز کررہے ہیں،سروائیکل کینسر وہ واحد کینسر ہے جس سے ویکسین کے ذریعے بچاؤ ممکن ہےمیں تمام والدین سے اپیل کرتی ہوں کہ وہ اس بات کو یقینی بنائیں کہ ان کی 9 سے 14 سال کی بیٹیوں کو سروائیکل کینسر کی ویکسین ضرور لگے، آئیے مل کر اپنی بیٹیوں کے لیے ایک صحت مند مستقبل یقینی بنائیں،
سروائیکل کینسر ایک قابلِ علاج بیماری ہے اور آج ہمارے پاس یہ موقع ہے کہ ہم اپنی بیٹیوں کو اس سے محفوظ بنا سکیں۔ 15 ستمبر سے 27 ستمبر 2025 تک، حکومتِ سندھ ای پی آئی سندھ کے تعاون سے ہیومن پاپیلوما وائرس (HPV) ویکسینیشن مہم کا آغاز کر رہی ہے۔یہ صرف ایک مہم نہیں، بلکہ تحفظ کا وعدہ ہے، اپنی بیٹیوں سے عہد ہے اور آنے والی نسلوں میں سرمایہ کاری ہے۔ والدین، اساتذہ اور کمیونٹی سب کو مل کر یہ ذمہ داری نبھانی ہے تاکہ ہر بیٹی کو وہ ڈھال دی جا سکے جس کی وہ مستحق ہے۔ آئیں مل جل کر سروائیکل کینسر کے خاتمے کو حقیقت بنائیں اور ایک صحت مند، پُرامید اور مضبوط مستقبل کی بنیاد رکھیں۔
