اوچ شریف: پیپلز پارٹی ہی عوام کی نمائندہ جماعت ہے- مخدوم سید علی حسن گیلانی

اوچ شریف باغی ٹی وی (نامہ نگار حبیب خان) پیپلز پارٹی ہی عوام کی نمائندہ جماعت ہے جو مسائل کے بھنور میں پھنسی قوم کی کشتی کو پار لگانے کی صلاحیت رکھتی ہے ، مخدوم سید علی حسن گیلانی ۔
تفصیل کے مطابق سابق ایم این اے مخدوم سید سمیع الحسن گیلانی اور سابق ایم پی اے مخدوم سید افتخار حسن گیلانی کے دیرینہ حمایتی ماچھی گروپ کی سرکردہ شخصیات سردار ملک ایوب ماچھی اور ملک محمد سلیم ماچھی نے انہیں خیرباد کہتے ہوئے اپنے دیگر ساتھیوں کے ساتھ پیپلز پارٹی میں شمولیت اختیار کر لی اور پیپلز پارٹی بہاولپور کے ڈویژنل جنرل سیکرٹری و سابق وفاقی پارلیمانی سیکرٹری مخدوم سید علی حسن گیلانی سے ملاقات کرتے ہوئے ان کے گروپ میں شمولیت اختیار کر لی اور آئندہ عام انتخابات میں مخدوم سید علی حسن گیلانی اور مخدوم سید عامر علی شاہ پر مکمل اعتماد کا اظہار کرتے ہوئے آئندہ عام انتخابات میں انہیں اپنی مکمل حمایت کا اعلان کر دیا

اس موقع پر مخدوم سید علی حسن گیلانی کا گفتگو کرتے ہوئے کہنا تھا کہ لوگ پیپلز پارٹی کے دور حکومت کو یاد کرتے ہیں جس کے دوران ملک ترقی کی راہ پر گامزن تھا اور عوام خوشحال تھے ان کا کہنا تھا کہ آنے والا دور پیپلز پارٹی کا ہے جن کے امیدوار آئندہ عام انتخابات میں اپنی پارٹی کی کارکردگی کی بنیاد پر کامیابی حاصل کریں گے اور پیپلز پارٹی ملک کو دوبارہ ترقی کی راہ پر گامزن کر کے اسے دنیا کے ترقی یافتہ ممالک کی صف میں لا کھڑا کرے گی ، اس موقع پر ملک سعید احمد ماچھی ، ملک محمد رفیق نمبردار ، ملک عاشق حسین ، عبد المجید خان ، ملک شفیق ، ملک غلام فرید ، ملک احمد حسین ، ملک امجد حسین ، ملک محمد ناظم کھیارا ، جام اکبر کھاکھی ، ملک غازی احمد و دیگران موجود تھے