اوچ شریف (باغی ٹی وی، نامہ نگار حبیب خان) اوچ شریف کی ہر دلعزیز سیاسی و سماجی شخصیت مخدوم سید یاور عباس بخاری نے ڈیرہ نواب صاحب میں معروف مذہبی، سیاسی و سماجی رہنما عبدالمجید خان ناصح کی عیادت کی۔ انہوں نے ان کی جلد صحت یابی کے لیے دعا کرتے ہوئے کہا کہ ناصح صاحب دوستوں کا قیمتی اثاثہ ہیں، ان کی موجودگی حلقہ احباب کے لیے باعث برکت ہے۔
اس موقع پر مخدوم یاور عباس بخاری نے کہا کہ انسان کی اصل طاقت رشتوں میں محبت اور رابطے کی مضبوطی ہوتی ہے، عبدالمجید ناصح جیسے لوگ دلوں پر راج کرتے ہیں۔ انہوں نے مزید کہا کہ ناصح صاحب کی عوامی خدمات اور خلوص انہیں محبوب بناتے ہیں۔
عیادت کے دوران سیاسی گفتگو میں مخدوم یاور عباس بخاری نے انکشاف کیا کہ وہ جلد ولی عہد امیر آف بہاولپور پرنس بہاول عباس خان عباسی سے ملاقات کریں گے، جس میں اوچ شریف کی موجودہ سیاسی صورت حال پر تفصیلی تبادلۂ خیال کیا جائے گا۔
