پاکستان تحریک انصاف پارلیمنٹرینز (پی ٹی آئی پی) نے خیبرپختونخوا میں اپنے حصے کی مخصوص نشستیں حاصل کرنے کے لیے اسلام آباد ہائیکورٹ کا دروازہ کھٹکھٹا دیا ہے۔
پی ٹی آئی پارلیمنٹرینز کی جانب سے الیکشن کمیشن کے خلاف درخواست دائر کی گئی ہے جس میں مؤقف اختیار کیا گیا ہے کہ خیبرپختونخوا میں مخصوص نشستیں اُن کے حصے کے مطابق دی جائیں۔اسلام آباد ہائیکورٹ کے جسٹس انعام امین منہاس اس درخواست کی سماعت کل کریں گے۔درخواست میں الیکشن کمیشن کے 5 اپریل 2024 کے نوٹیفکیشن کو چیلنج کیا گیا ہے اور عدالت سے استدعا کی گئی ہے کہ الیکشن کمیشن کو 4 مارچ کے نوٹیفکیشن کو درست کرنے کا حکم دیا جائے۔
یاد رہے کہ 27 جون کو سپریم کورٹ کے 7 رکنی آئینی بینچ نے 5 کے مقابلے میں 7 کی اکثریت سے مخصوص نشستوں سے متعلق دائر نظرثانی درخواستیں منظور کرلی تھیں۔
پی ٹی آئی کے الزامات،الیکشن کمیشن کا ردعمل سامنے آگیا
ایف بی آر میں اے آئی پر مبنی کسٹمز کلیئرنس اور رسک مینجمنٹ سسٹم متعارف
ڈسکہ: یوم عاشورہ کے پُرامن اختتام پر انتظامیہ و بلدیاتی افسران کو خراجِ تحسین
