ٹھٹھہ : مکلی پولیس نے کار سے چرس برآمد کرلی ،صحافی کے گھر سے بکریاں چوری

ٹھٹھہ ،باغی ٹی وی (نامہ نگار راجہ قريشي)مکلی پولیس نے کار سے چرس برآمد کرلی ،صحافی کے گھر سے بکریاں چوری
تفصیل کے مطابق ایس ایچ او تھانہ مکلي سب انسپکٹر اصغر علی شاہ بمعہ اسٹاف نے دوران گشت خفیہ اطلاع ملنے پر مکلی تا جنگشاہی روڈ گلمنڈہ چوک پر کامیاب کارروائی کرکے کورولا کار نمبر BCB-025 میں چرس سپلائی کرنے کی کوشش کو ناکام بناکر 2 منشیات فروش ملزمان نور محمد ولد رحیم خان بروہی اور فیض محمد ولد پیر محمد بروہی کو گرفتار کرلیا۔ دوران کارروائی پولیس نے کورولا کار کو حراست میں لیکر 1 ہزار 4 سو 60 ساٹھ (1460) گرام چرس برآمد کرکے تھانہ مکلی پر مقدمہ درج کردیا۔ مزید تفتیش جاری ہے۔مقدمہ نمبر68/2023 سیکشن 9-1-3(C) نارکوٹکس ائیکٹ تھانہ مکلی۔
دوسری طرف مکلی تھانے کی حدود گوٹھ عارب خاصخیلی سے مقامی صحافی مراد خاصخیلی کی رات دیر گئے نامعلوم چور دو بکریاں چرا کر لے گئے اس گذشتہ 2 ہفتوں کے دوران اسی گاؤں سے ایک موٹر سائیکل اور 2 دنبے چوری ہوچکے ہیں مگر ابھی تک کوئی چور نہیں پکڑا جاسکا ہے نہ ہی چوری برآمد ہوئی ہے گوٹھ عارب خاصخیلی اور مکلی کے رہائشیوں نے ایس ایس پی ٹھٹھہ سے مطالبہ کیا ہے کہ صحافی مراد خاصخیلی اور دیگر کی چوری ہونے والی بکریاں دنبے اور موٹر سائیکل برآمد کرکے چوروں کو کیفر کردار تک پھنچایا جائے-