ممبئی: بالی ووڈ اداکارہ ملائکہ اروڑا کا اپنے والد کی مبینہ خودکشی کے بعد پہلا بیان سامنے آگیا ہے-
باغی ٹی وی : بھارتی میڈیا کے مطابق ملائکہ اروڑا کے والد نے بدھ کی صبح اپنے اپارٹمنٹ کی چھت سے چھلانگ لگا کر خود کشی کر لی تھی،سوشل میڈیا پلیٹ فارم سے اپنے انسٹا گرام اکاونٹ پر ملائکہ نے ایک بیان جاری کرتے ہوئے کہا کہ، انہیں اپنے والد انیل مہتا کی موت کااعلان کرتے ہوئے بہت دکھ ہورہا ہے۔
اداکارہ نے مزید کہا کہ وہ ایک نرم مزاج، جان نثار کرنے والے نانا، پیار کرنے والے شوہراور ہمارے بہترین دوست تھے، ہماری فیملی اس بڑے نقصان پر گہرے صدمے سے دوچار ہے۔ہم میڈیا سے پرائیویسی برقرار رکھنے کی درخواست کرتے ہیں،دوسری جانب ملائکہ اروڑا کے والد کی مبینہ خود کشی پر بھارتی پولیس کا اہم بیان بھی سامنے آگیا ہے۔
بھارتی میڈیا رپورٹس کے مطابق پولیس حکام نے بیان جاری کرتے ہوئے انیل اروڑا کی خودکشی پر اپنے شکوک وشبہات ظاہر کیے ہیں، خودکشی کی وجوہات تاحال سامنے نہیں آئی ہیں اور نہ ہی ان کا کوئی سوسائیڈ نوٹ ملا ہےانیل اروڑا کی لاش کو پوسٹ مارٹم کے لیے بھجوادیا گیا ہے، اور پولیس ہر پہلو سے تفشیش کر رہی ہے۔
بھارتی میڈیا رپورٹس کے مطابق ملائکہ اروڑا اپنے والد کی خود کشی کے وقت گھر پر موجود نہیں تھی، خبر سنتے ہی وہ پونے سے فورا گھر پہنچ گئیں انیل اروڑا نے اپنے پسماندگان میں دوبیٹیاں، اداکارہ ملائیکہ اروڑا، امریتا اروڑا اور سابقہ اہلیہ جوائس پولی کارپ چھوڑے ہیں۔
