سال 2025 کا آغاز ہوگیا ، ملک بھر میں ہلا گلا، شور شرابا اور جشن کا سمان رہا ۔مختلف شہروں میں منچلوں نے آتش بازی کا شاندار مظاہرہ کیا۔
باغی ٹی وی کے مطابق دنیا بھرکی طرح پاکستان میں بھی نئے سال کی آمد پر لوگ خوشی سے جھوم اٹھے ، چھوٹے بڑے شہروں میں آتش بازی کی گئی، اکثر مقامات پر میوزیکل شوزکا اہتمام بھی کیا گیا ، سڑکوں پر ہجوم رہا اور ٹریفک جام رہی ، شہریوں نے نئے سال کو خوش آمدید کہا، اور سوشل میڈیا پر ایک دوسرے کو مبارکباد کے پیغامات بھی بھیجے۔ 12 بجتے ہی سارا کراچی خوشی سے دیوانہ ہوگیا، جو جہاں تھا وہیں جشن میں مگن ہوگیا جبکہ گاڑیوں میں سوار افراد ہارن بجا کر خوشی کا اظہار کرنے لگے۔آتش بازی کے رنگ دیکھنے کےلیے نظریں آسمان پر جم گئیں۔ کراچی کے ساحل سی ویو پر نئے سال کا جشن منایا گیا۔ منچلوں نے قافلوں کی صورت میں سی ویو کا رخ کیا۔ نوجوانوں نے جم کر نئے سال کا جشن منایا۔شہر بھر سے منچلے موٹرسائیکلوں اور گاڑیوں پر سی ویو پہنچے جبکہ سی ویو پر شاندار آتش بازی کا مظاہرہ بھی کیا گیا۔کراچی کی طرح لاہور، اسلام آباد، کوئٹہ، پشاور اور ملک کے دیگر شہریوں میں سال نو کے موقع پر آتش بازی کا مظاہرہ کرتے ہوئے شہریوں نے نئے سال کو خوش آمدید کہا۔لاہور میں نئے سال کی آمد پر بھرپور جشن کا سماں بندھ گیا، خوب گہما گہمی لگ گئی، یوں محسوس ہونے لگا جیسے سارا شہر گھروں سے باہر امڈ آیا ہو۔
پاکستان ریلویز نے 6 ماہ کے دوران 46 ارب روپے کما لیے
کراچی میں دھرنوں کا راج، لاکھوں شہری پریشان
کراچی میں دھرنوں کا راج، لاکھوں شہری پریشان
کراچی: نمائش چورنگی پر کشیدگی، مظاہرین نے موٹر سائیکلوں کو آگ لگادی
