سینیئر صحافی منصور علی خان کا کہنا ہے کہ ’ڈکی بھائی‘ پہلے سے ہی جوا پروموشن کے الزام میں گرفتار ہیں جبکہ نیشنل سائبر کرائم ایجنسی نے مختلف ناموں کو نوٹسز جاری کر دیے ہیں۔
ان ناموں میں یوٹیوب چینل ’سٹرولوجی‘ چلانے والی معروف یوٹیوبر اقرا کنول، رجب بٹ سمیت دیگر ٹک ٹاکرز اور یوٹیوبرز شامل ہیں۔منصور علی خان نے اپنے وی لاگ میں بتایا کہ کچھ نام ایسے بھی ہیں جن کے خلاف ابھی کارروائی کا آغاز نہیں ہوا لیکن وہ ریڈار میں موجود ہیں۔ انہی میں اب ٹک ٹاکر مناہل ملک کا نام بھی سامنے آیا ہے۔
انہوں نے کہا کہ اطلاعات کے مطابق مناہل ملک نے بھی ایک اشتہار میں جوا پروموشن میں کام کیا، جس کی تصویر انہوں نے اپنے وی لاگ میں دکھائی۔ یہ ویڈیو تقریباً پونے دو سال پرانی ہے۔منصور علی خان کے مطابق ماضی میں بھی مناہل ملک کئی تنازعات کا حصہ رہ چکی ہیں، اب یہ دیکھنا باقی ہے کہ نیشنل سائبر کرائم ایجنسی ان کے خلاف کوئی کارروائی کرتی ہے یا نہیں۔
موسلادھار بارش سے راول ڈیم فل، اسپل ویز کھولنے کا فیصلہ
دریائے چناب میں شدید طغیانی، جھنگ اور دیگر علاقے زیرِ آب
امریکا: دو چھوٹے طیارے آپس میں ٹکرا گئے، 2 ہلاک 2 زخمی
عمان کا سرمایہ کاروں کے لیے 10 سالہ گولڈن رہائشی پروگرام کا اعلان
