منڈی بہاؤالدین:لفٹ مانگنے والی خاتون ڈاکو نکلی، گن پوائنٹ پر موٹرسائیکل سوار کو لوٹ لیا

منڈی بہاؤالدین،باغی ٹی وی (نامہ نگارافنان طالب)لفٹ مانگنے والی خاتون ڈاکو نکلی، گن پوائنٹ پر موٹرسائیکل سوار سے 42ہزار روپے چھین لئے

منڈی بہاءالدین میں خاتون کو لفٹ دینا موٹر سائیکل سوار کو مہنگا پڑ گیا، لیڈی ڈاکو نے ساتھیوں سے مل کر شہری سے 42 ہزار نقدی چھین لی۔

ملک شاہد موٹر سائیکل پر ملکوال سے چھموں اپنے سسرال جا رہا تھا، جب وہ ہریا اسٹیشن کے قریب پہنچا تو ایک خاتون نے ہاتھ دے کر لفٹ مانگی کہ اسے ساہنا گاؤں جانا ہے۔ ملک شاہد نے خاتون کو موٹر سائیکل پر بٹھا لیا،

جب وہ گورنمنٹ ہائی سکول ساہنا کے قریب پہنچے تو پیچھے سے ایک کار آ کر موٹر سائیکل کے آگے کھڑی ہو گئی، خاتون نے پسٹل نکال کر ملک شاہد کو رکنے کا کہا۔ جب وہ رکا تو کار سے تین مسلح افراد نکلے۔ انہوں نے ملک شاہد سے 42 ہزار روپے نقدی چھین لی۔

واردات کے بعد خاتون اپنے ساتھیوں کے ساتھ کار پر فرار ہو گئی،ملکوال پولیس مصروف تفتیش ہے۔