کراچی میں ایشیا کی سب سے بڑی مویشی منڈی 2025 کا رنگ نکھرنے لگا ہے،ہزاروں گائے، بیل،بچھڑے،بکرے اور اونٹ مویشی دوست منڈی کی زینت بن چکے ہیں.
باغی ٹی وی کے مطابق کراچی کے شہریوں کا کہنا ہے کہ ملیر کی مویشی منڈی چھوڑ کر نادرن بائی پاس مویشی دوست منڈی کھچے چلے آئے ہیں کیونکہ ہمیں یہاں ہر رنگ و نسل کا جانور قربانی کے لیے آسانی سے مل جاتا ہے، مویشی دوست منڈی میں قربانی کے جانوروں کی قیمتیں بھی مناسب ہیں، خوبصورت قربانی کے حانور نادرن بائی پاس مویشی منڈی کی زینت بن رہے ہیں ، ساییوال،گلابی،چولستانی اور سندھی نسل کی گائے،بیل، بچھڑے اور بچھیا دکھنے میں اپنی مثال آپ ہیں جبکہ خوبصورت نقش ونگار کے ریگساتی،کوہ مری، لاڑی اور ٹاکری نسل کے بھورے اور سفید اونٹ بھی مویشی منڈی کی زینت بنے ہوئے ہیں.
وی وی آئی پی اور وی آئی ہی بلاکس میں کراچی کے مختلف فارم ہاوسز سے آنے والے تگڑے اور بھاری بھرکم جانور وں نے نادرن بائی پاس مویشی منڈی کی خوبصورتی میں چار چاند لگا دیئے ہیں، کنڈیارو سے آئے ہوئے بیوپاری نے کہا کہ ہر سال خرید وفروخت کی غرض سے قربانی کے جانور نادرن بائی پاس مویشی منڈی لاتے ہیں ہمارے اور بھی جانور راستے میں ہیں جو س میلہ مویشیاں کی زینت بنیں گے.
دوسری جانب ایڈمنسٹریٹر ناردرن بائی پاس مویشی منڈی شہاب اکرام نے بکروں کے بیوپاریوں کے لئے بڑا اعلان کرتے ہوئے کہا کہ کل بروز جمعہ سے بکروں کے وی آئی بلاکس کی بکنگ کا آغاز کردیا جائے گا،بکروں کے بیوپاری جمعہ کو شام 7 بجے وی آئی پی بلاک میں بکنگ کراسکتے ہیں،شہاب اکرام ایڈمنسٹریٹر مویشی منڈی نے کہا کہ اس اقدام سے کراچی کے شہریوں کو با آسانی ہر نسل کا بکرا ناردرن بائی پاس مویشی منڈی سے مل سکے گا۔
محسن نقوی قائمہ کمیٹی میں ایک پھر طلب
وزیر اعلی سندھ سے ورلڈ فوڈ پروگرام کی کنٹری ڈائریکٹر کی ملاقات
پاکستانی ایف ایم ریڈیو پر بھارتی گانے بند، وزیر اطلاعات کا خیر مقدم
