Ayesha Rehmani
راولپنڈی: اڈیالہ جیل سے فرار ہونے والے حوالاتی لقمان مسیح کو جیل انتظامیہ اور پولیس نے دوبارہ گرفتار کرلیا جب کہ غفلت برتنے پر 2 اسسٹنٹ سپرنٹنڈنٹ پولیس (اے ایس پیز) سمیت 6 اہکاروں کو معطل کردیا گیا۔
باغی ٹی وی : رپوٹ کے مطابق اڈیالہ جیل میں تھانہ بہارہ کہو اسلام آباد کے جنوری 2025 کے منشیات کے مقدمے میں ملوث اسیر لقمان مسیح نامی حوالاتی منگل کی شام پراسرار طور پر جیل سے فرار ہوگیا تھا ،واقعے کی اطلاع ملنے پر آئی جی جیل خانہ جات پنجاب میاں فاروق نذیر نے رپورٹ طلب کی-
ڈی آئی جی جیل راولپنڈی ریجن عبدل روف رانا اور سپریڈنٹ سینٹرل جیل اڈیالہ راولپنڈی عبدالغفور انجم پر مشتمل انکوائری ٹیم نے ابتدائی انکوائری کرکے رپورٹ آئی جی جیل خانہ جات پنجاب کو ارسال کی۔
نیب اور نجی اداروں کے درمیان مفاہمت کے 6 سمجھوتوں پر دستخط
رپورٹ کی روشنی میں دو اسسٹنٹ سپرٹینڈنٹس، اسسٹنٹ سپرنٹنڈنٹ ایڈمن بلاک الطاف حسین، اور انچارج سنٹرل ٹاور اسسٹنٹ سپرنٹنڈ نٹ سجاد حیدر شاہ سمیت چیف انچارج بیرک نمبر 6 تا 8 ہیڈوارڈرمحمد ریاض، انچارج بیرک نمبر 8 وارڈر عمران خان، دربان ون وارڈر عمار ظہور اور دربان ٹو وارڈر شیر زمان کو فرائض میں غفلت، لاپرواہی اور مس کنڈکٹ برتنے پر 90 دن کے لیے معطل کردیا گیا۔
اسلام آباد ہائیکورٹ،26 نومبر احتجاج،پی ٹی آئی 120 سے زائد کارکنان کی ضمانت مںظور
اس کے ساتھ سپرٹینڈنٹ سینٹرل جیل اڈیالہ راولپنڈی عبدالغفور انجم کی سربراہی میں جیل انتظامیہ اور پولیس کی ٹیم نے ایک ساتھ قیدی کے آبائی علاقے چکوال اور موجودہ رہائشی علاقے بہارہ کہو اسلام آباد کی نگرانی شروع کروائی اور حوالات کے عزیز و اقارب کو شامل دریافت رکھا اس دوران فرار ہونے والے حوالاتی کی بہارہ کہو اسلام آباد میں موجودگی کا پتا چلنے پر جیل اتھارٹیز نے پولیس کے ساتھ چھاپہ مار کر حوالاتی کو دوبارہ گرفتار کرلیا،ملزم کے خلاف جیل سے فرار ہونے کے حوالے سے بھی قانونی کاروائی شروع کردی گی ہے۔
